Апэндыцыт

Апэндыцы́т (кабылянец^[3]; лац. appendicitis^[4]) — запаленьне чэрвепадобнага адростка сьляпой кішкі (апэндыкса). Адно з найбольш частых, якія патрабуюць хірургічнага лекаваньня, захворваньняў чэраўнай паражніны.

Апэндыцыт
Спэцыяльнасьць	агульная хірургія
Сымптомы	рвота, анарэксія, боль у жываце, млоснасьць
Фактары рызыкі	курэньне[d][1]
Лекі	мэрапэнэм[d][2]
Апэндыцыт у Вікісховішчы

Чыньнікі

Да разьвіцьця апэндыцыту вядзе зьменлівы расклад харчаваньня, заражэньні, парушэньні кровазабесьпячэньня чэрвепадобнага адростка, запаленьне кішачніка, глісная хвароба^[5].

Праявы

Нядужасьць выяўляецца праз боль у верхняй палове жывата з наступным перамяшчэньнем управа і ўніз, пачуцьцё цяжару, млоснасьць, павышэньне тэмпэратуры, ваніты, аднаразовае вадкае спаражненьне і зьнікненьне апэтыту. Боль у правым падрабрыньні аддае ў сьпіну і задні праход^[6].