Апія

Апія (па-ангельску: Apia) — сталіца і адзіны горад Самоа. Знаходзіцца на паўночным узьбярэжжы выспы Ўполу, зьяўляецца самым вялікім портам Самоа. Колькасьць жыхароў налічвае 38 800 чалавек.

Апія
анг. Apia
Першыя згадкі:	1837
Краіна:	Самоа
Акруга:	Туамасага
Плошча:	60 км²
Вышыня:	2 м н. у. м.
Насельніцтва (2011)
колькасьць:	36 735 чал.
шчыльнасьць:	612,25 чал./км²
Часавы пас:	UTC+13
летні час:	UTC+14
Геаграфічныя каардынаты:	13°50′0″ пд. ш. 171°50′0″ з. д.
Апія на мапе Самоа Апія
Галерэя здымкаў у Вікісховішчы

Геаграфія

Горад знаходзіцца на паўночным узьбярэжжы выспы Ўполу. Тут пануе трапічны сьпякотны і вільготны клімат, з частымі ўраганнымі вятрамі. Тэмпэратура на працягу году вагаецца ад +24 °C да +27 °C. Сярэднегадавая колькасьць ападкаў складае каля 3000 мм.

Дэмаграфія

Колькасьць насельніцтва гораду прыкладна 39 тыс. чалавек. Асноўнай этнічнай групай гораду зьяўляюцца самаанцы (93%), астатнюю частку складаюць эўрапейцы і палінэзійцы. Афіцыйнымі мовамі зьяўляюцца самаанская і ангельская. Прыкладна 50% насельніцтва складаюць пратэстанты, 45% — каталікі.

Гісторыя

Апія — першае паселішча заснаванае эўрапейцамі, менавіта ангельскімі місіянэрамі, на астравах Самоа. Датай заснаваньня лічыцца 1837 год. У 1900 годзе ўвесь архіпэляг быў падзелены паміж ЗША і Нямеччынай, Апія перайшоў пад кантроль Нямеччыны. У 1914 годзе ў горадзе высадзіліся войскі Новай Зэляндыі, і хутка Апія стаў адміністрацыйным цэнтрам навазэляндзкай падмандатнай тэрыторыі «Заходняе Самоа». 1 студзеня 1962 году Заходняе Самоа атрымала незалежнасьць, а Апія стала яго сталіцай.