Арсень Бандарэнка

Арсе́нь Бандарэ́нка (нар. 9 кастрычніка 1995 году) — беларускі футбаліст, абаронца польскага клюбу «Лімановія».

Арсень Бандарэнка
Пэрсанальная інфармацыя
Нарадзіўся	9 кастрычніка 1995(1995-10-09)[1] (29 гадоў) Менск, Беларусь
Рост	185 см
Вага	78 кг[2]
Пазыцыя	абаронца
Клюбы
Гады	Клюб	Гульні (галы)¹
2015—2018	Дынама Менск	0 (0)
2015	→ Бяроза-2010	27 (1)
2016	→ Энэргетык-БДУ	22 (2)
2017—2018	→ Дняпро Магілёў	44 (4)
2018	Дняпро Магілёў	9 (0)
2019	Дняпро Магілёў[d]	30 (1)
2020	Тарпэда-БелАЗ	0 (0)
2020	→ Смалявічы	10 (0)
2020	→ Гомель	12 (2)
2021	Смаргонь	9 (2)
2021—2024	Лімановія Ліманова[d]
Зборныя
2013	Беларусь (да 19)[d]	3 (0)
2016	Беларусь (да 21)	1 (0)

Вікіпэдыя мае артыкулы пра іншых асобаў з прозьвішчам Бандарэнка.

Кар’ера

Клюбная

З 2012 году пачаў выступаць за дубль менскага «Дынама», дзе пазьней замацаваўся ў складзе. Сэзон 2015 году правёў у арэндзе ў «Бярозе-2010». Па заканчэньні сэзону бярозаўская каманда спыніла існаваньне, і малады абаронца ў пачатку 2016 году трэнаваўся з асновай «Дынама», аднак у выніку быў аддадзены ў арэнду ў «Зорку-БДУ».

Да сэзону 2017 году зноў рыхтаваўся зь першай камандай «Дынама», аднак у сакавіку быў аддадзены ў чарговую арэнду, гэтым разам у «Прамень»^[3]. Быў асноўным абаронцам клюбу і дапамог яму атрымаць перамогу ў Першай лізе. У студзені 2018 году арэнда была падоўжаная на сэзон 2018 году^[4]. У жніўні 2018 году перайшоў у «Прамень» на трывалай аснове^[5]. У пачатку 2019 году ў сувязі зь пераездам «Промня» ў Магілёў і аб’яднаньнем зь мясцовым «Дняпром» стаў гульцом аб’яднанай каманды, якая атрымала назву «Дняпро». Быў трывалым абаронцам каманды, але ня выратаваў яе ад вылету з Найвышэйшай лігі.

У лютым 2020 году па праглядзе склаў кантракт з жодзінскім «Тарпэда-БелАЗ»^[6]. Ня здолеўшы атрымаць месца ў асноўным складзе, пачынаў сэзон 2020 году ў дублі жодзінцаў, і ў сакавіку быў аддадзены ў арэнду ў «Смалявічы»^[7], дзе стаў асноўным абаронцам. У ліпені 2020 году вярнуўся з арэнды ў «Тарпэда-БелАЗ»^[8] і неўзабаве быў пераведзены ў «Гомель»^[9]. У «Гомлі» гуляў у пачатковым складзе ды дапамог камандзе вярнуцца ў Найвышэйшую лігу. У сьнежні 2020 году пакінуў клюб^[10].

У лютым 2021 году стаў гульцом «Смаргоні»^[11], дзе па чарзе выходзіў у стартавым складзе і заставаўся на лаўцы запасных. У ліпені 2021 году пакінуў клюб^[12]. Ужо ў наступным годзе падпісаў кантракт з польскім клюбам з чацьвертай лігі «Лімановія»^[13].

Міжнародная

Выступаў за юнацкая зборныя Беларусі. 1 чэрвеня 2016 году згуляў у сваім адзіным матчы за моладзевую зборную Беларусі, выйшаўшы на замену ў другім тайме таварыскага матчу супраць Македоніі (1:1).

Статыстыка

Клюб	Сэзон	Чэмпіянат
		Дывізіён	Матчы	Галы
Прамень	2018	Найвышэйшая ліга	25	0