Арсень Скапец

Арсе́нь Скапе́ц (нар. 10 чэрвеня 2005 году) — беларускі футбаліст, брамнік барысаўскага БАТЭ.

Арсень Скапец
Пэрсанальная інфармацыя
Нарадзіўся	10 чэрвеня 2005(2005-06-10)[1] (20 гадоў) Менск, Беларусь[1]
Рост	196 см[1]
Вага	87 кг[1]
Пазыцыя	брамнік
Клюбная інфармацыя
Клюб	БАТЭ
Нумар	35
Клюбы
Гады	Клюб	Гульні (галы)¹
2024—4	БАТЭ	32 (0)
2024—4	→ БАТЭ-2[d]	3 (0)
Зборныя
2024—4	Беларусь (да 21)	6 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 14 чэрвеня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 7 чэрвеня 2025.

Кар’ера

Клюбная

Выхаванец футбольнай акадэміі бырасаўскага БАТЭ. Першым трэнэрам гульца быў Аляксандар Міхайлаў. У 2022 годзе футбаліст пачаў выступаць у дублюючым складзе каманды, тады ж упершыню трапіў у заяўку на матч асноўнай дружыны. Перад пачаткам сэзону 2024 году пачаў рыхтавацца поруч зь першай камандай клюбу на сталай аснове. У красавіку быў пераведзены да другой каманды БАТЭ-2, у складзе якой дэбютаваў 7 красавіка ў Першай лізе ў матчы супраць «Баранавічаў». Ужо менш чым праз тыдзень быў вернуты да галоўнай каманды, браму якой абараняў 13 красавіка ў матчы Найвышэйшай лігі супраць жодзінскага «Тарпэда-БелАЗ». Хутка замацаваўся ў якасьці галоўнага брамніка каманды, згуляўшы цягам сэзону 20 матчаў.

Міжнародная

У жніўні 2021 году быў выкліканы да складу зборнай Беларусі (да 17 гадоў), у складзе якой запачаткаваў выступы ў таварыскім матчы супраць зборнай Украіны. Таксама прыцягваўся да кваліфікацыйных матчаў чэмпіянату Эўропы, аднак заставаўся на лаўцы запасных. У сакавіку 2024 году выклікаўся да зборнай Беларусі (да 21 году) на адборачныя матчы чэмпіянату Эўропы^[2]. Дэбютаваў у складзе моладзевай каманды 22 сакавіка 2024 году ў матчы супраць зборнай Грэцыі.