Арцыбіскупскі палац (Магілёў)

Арцыбіскупскі палац — помнік архітэктуры апошняй траціны XVIII ст. у Магілёве. Знаходзіцца на гістарычнай Шляхецкай вуліцы, у глыбіні квартала^[a]. Твор архітэктуры клясыцызму. Аб'ект Дзяржаўнага сьпісу гістарычна-культурных каштоўнасьцяў Беларусі^[1]. Цяпер тут месьціцца спэцыяльная дзіцяча-юнацкая спартовая школа № 6.

Ня варта блытаць з Магілёўскім архірэйскім палацам.

Помнік грамадзянскай архітэктуры
Магілёўскі арцыбіскупскі палац
Магілёўскі арцыбіскупскі палац
Краіна	Беларусь
Месцазнаходжаньне	Магілёў
Каардынаты	53°53′50″ пн. ш. 30°20′12″ у. д.
Архітэктурны стыль	клясыцызм
Заснавальнік	Станіслаў Богуш-Сестранцэвіч
Дата заснаваньня	1780-я гады
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Магілёўскі арцыбіскупскі палац на мапе Беларусі Магілёўскі арцыбіскупскі палац
Магілёўскі арцыбіскупскі палац на Вікісховішчы

Гісторыя

Станіслаў Богуш-Сестранцэвіч

Мураваны палац дзеля каталіцкага арцыбіскупа Станіслава Богуш-Сестранцэвіча ў Магілёве збудавалі ў 1780-я гады (быў яго рэзыдэнцыяй да 1827 году)^[2].

Па пажары ў другой палове XIX ст. будынак набыў жыдоўскі купец Барух Цукерман, які перабудаваў руіны палаца пад харальную сынагогу. Сынагога адкрылася ў 1900 годзе.

У 1925 годзе савецкія ўлады зачынілі сынагогу. З 1929 года ў будынку разьмяшчаўся кінатэатар, пазьней — прафсаюзы.

Архітэктура

Помнік архітэктуры клясыцызму. Гэта 2-павярховы прастакутны ў пляне будынак з двума невялікімі бакавымі крыламі, накрыты вальмавым дахам. Галоўны фасад выходзіць у бок Дняпра на гістарычную Шляхецкую вуліцы, тарцовы фасад — на гістарычную Ветраную. Цэнтральны рызаліт завяршаецца прастакутным атыкам, бакавыя — трыкутнымі франтонамі. Паверхі вылучаюцца разьвітымі гарызантальнымі цягамі, ніжні паверх аздабляецца рустам, верхні — пілястрамі. Вокны прастакутныя, з разнастайным абрамленьнем.

Плян анфілядны, з цэнтральным вэстыбюлем і 3-маршавай лесьвіцай. Дваровым фасадам будынак выходзіў у сад, дзе знаходзіліся карпусы духоўнай кансысторыі (не захаваліся).

Галерэя

Гістарычныя здымкі і графіка

• Старыя здымкі і графіка
• 
  1785 г.
• 
  М. Львоў, каля 1800 г.
• 
  1830 г.
• 
  1942 г.

Сучасныя здымкі

• Сучасны стан
• 
  Галоўны фасад
• 
  Тарцовы фасад
• 
  Фрагмэнт
• 
  Фрагмэнт

Заўвагі

1. Цяперашні афіцыйны адрас — вуліца Ленінская, 25