Арцём Зімін

Арцём Зімін (нар. 24 сакавіка 2003) — беларускі футбаліст, паўабаронца бабруйскай «Белшыны».

Арцём Зімін
Пэрсанальная інфармацыя
Нарадзіўся	24 сакавіка 2003(2003-03-24)[1] (22 гады) Менск, Беларусь[1]
Рост	177 см
Вага	67 кг[2]
Пазыцыя	паўабаронца
Клюбная інфармацыя
Клюб	Белшына
Нумар	77
Клюбы
Гады	Клюб	Гульні (галы)¹
2021—2023	Іслач	10 (0)
2024	МЛ Віцебск	12 (2)
2024	Маладэчна-2018	12 (1)
2025—4	Белшына	13 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 27 чэрвеня 2025.

Кар’ера

Пачынаў займацца футболам у менскай школе «Трактару». Яшчэ юнаком трапіў у структуру барысаўскага БАТЭ. У 2020 годзе выступаў за клюбны дубль. У лютым 2021 году перайшоў у «Іслач»^[3], дзе стаў выступаць за дубль. З восені 2021 году пачаў прыцягвацца да асноўнай каманды. Дэбютаваў у Найвышэйшай лізе 20 лістапада 2021 году ў матчы супраць «Менску» (0:1), выйшаўшы на замену ў другім тайме. У 2022 годзе працягваў гуляць пераважна за дубль.

У красавіку 2023 году падоўжыў кантракт з клюбам да канца 2024 году^[4]. У лютым 2024 году скасаваў пагадненьне зь «Іслаччу»^[5] і стаў гульцом віцебскага «Макслайну»^[6]. У сярэдзіне сэзону зьмяніў Віцебск на «Маладэчна-2018», дзе быў гульцом ратацыі. У выніку ў лютым 2025 году пакінуў віцебскі клюб і пачаў трэнавацца зь «Белшынай»^[7], зь якой крыху пазьней склаў працоўную дамову.