МЛ Віцебск

«Макслайн» — беларускі футбольны клюб зь Віцебску. Клюб гістарычна павязаны з рагачоўскім «Дняпром» і першы час таксама базаваўся ў Рагачове, аднак у 2023 годзе пераехаў на поўнач краіны.

Макслайн
Заснаваны	2021
Горад	Віцебск, Беларусь
Стадыён	Цэнтральны спарткомплекс Умяшчальнасьць: 8144
Галоўны трэнэр	Аляксандар Шагойка[1]
Чэмпіянат	Першая ліга
· 2024	2 месца (падвышэньне)

Гісторыя

Гісторыя клюбу цесна павязаная з рагачоўскім «Дняпром» і Андрэем Іваненкам, які доўгі час працаваў з рагачоўцамі. У пачатку 2021 году клюб перайшоў у прыватнае валоданьне Іваненкі, які запрасіў спонсараў і зьмяніў назву на «Макслайн» паводле назвы асноўнага спонсару каманды. Яшчэ больш узмацніўшы склад, рагачоўскі клюб у сэзоне 2021 году ўпэўнена перамог у Гомельскім дывізіёне, а ў плэй-оф другой лігі дайшоў да фіналу, дзе ў дадатковы час саступіў «Астраўцу» (1:3). Другое месца дазволіла камандзе выйсьці ў першую лігу.

У сэзоне 2022 году «Макслайн» значна ўзмацніўся, запрасіўшы сярод іншых былога футбаліста зборнай Беларусі Сяргея Балановіча. Галоўным трэнэрам каманды стаў малады Піліп Палякоў, але ўжо ў траўні ён пакінуў клюб, і ягонае месца заняў Леанід Лагун. Рагачоўскі клюб добра пачаў сэзон, але пазьней шэраг няўдачаў адкінуў каманду ў сярэдзіну табліцы. У ліпені Лагун быў звольнены, а галоўным трэнэрам быў прызначаны дасьведчаны Юры Пунтус. Пад ягоным кіраўніцтвам «Макслайн» здолеў вярнуцца ў барацьбу за выхад у найвышэйшую лігу. Разграміўшы ў перадапошнім туры «Астравец» (5:0), рагачоўская каманда забясьпечыла чацьвертае месца і стыкавыя матчы за месца ў найвышэйшай лізе супраць койданаўскага «Арсеналу», дзе перамагла (2:3, 3:1) і выйшла ў элітны дывізіён.

Аднак, 28 лістапада 2022 году на паседжаньні выканкаму АБФФ клюбу было адмоўлена ў допуску да праходжаньня ліцэнзаваньня на ўдзел у найвышэйшай лізе праз тое, што клюб зьяўляецца сябрам фэдэрацыі меней за належныя два гады^[2]. 30 лістапада АБФФ выпусьціла афіцыйную заяву наконт адмовы^[3]. 19 сьнежня 2022 году арбітраж АБФФ адхіліў апэляцыю «Макслайна» на вырак выканкаму, такім чынам яно стала канчатковым^[4].

У студзені 2023 году на паседжаньні рады фундатараў і спонсараў клюбу было пастаноўлена, што «Макслайн» у сэзоне 2023 году возьме ўдзел у першай лізе, пры гэтым перабазуецца ў іншы горад^[5], якім стаў Віцебск. Каманда пасьпела добра ўзмацніцца перад пачаткам сэзону. Галоўным трэнэрам быў прызначаны Глеб Кулебін, аднак ужо ў траўні 2023 году пасьля шэрагу няўдачаў ён быў звольнены, і неўзабаве «Макслайн» зноў ачоліў Юры Пунтус. У ліпені 2023 году «Макслайн» пакінуў Андрэй Іваненка^[6]. Клюб яшчэ спрабаваў змагацца за месца ў Найвышэйшай лізе, але ня здолеў вытрымаць канкурэнцыі з боку магілёўскага «Дняпра» і «Віцебску», у выніку скончыў сэзон на 5-м месцы пры 17 удзельніках.

Склад

Актуальны на 2 жніўня 2025 году

№ Пазыцыя Імя Год нараджэньня 1 Бр Павал Паўлючэнка 1998 2 ПА Аляксей Наско 1996 3 Аб Мікіта Баранок (ар. Акрон) 2004 4 ПА Абдулагі Одэ  (ар. Арыс) 2002 5 Аб Артур Чудук  1996 7 ПА Цімур Пухаў  1998 8 ПА Сяргей Русак 1993 9 Нап Глеб Жэрдзеў 2000 10 Нап Алег Нікіфарэнка 2001 13 Аб Аляксей Залескі 1994 14 ПА Руслан Лісаковіч 2002 17 ПА Данііл Галята 2007 18 ПА Уладзіслаў Жук 1994

№ Пазыцыя Імя Год нараджэньня 20 Аб Захар Воўкаў 1997 21 Нап Мікіта Глушкоў  1994 22 Аб Дзяніс Лявіцкі 1997 23 Аб Сяргей Балановіч (капітан) 1987 27 ПА Аляксандар Мэсаравіч  1998 30 Бр Павал Шчарбачэня  1996 66 Аб Сяргей Карповіч 1994 70 Нап Рафаэл Жуніньню  2006 77 ПА Альфрэд Мазурыч  (ар. Нёман) 2003 80 Нап Дзяніс Аўсяньнікаў  2007 88 Аб Ягор Бажко  2006 — Нап Абу-Саід Эльдарушаў  (ар. Балтыка) 2001 — Нап Дзьмітры Анцілеўскі 1997

Статыстыка

Сэзон	Ліга	Месца	Г	В	Н	П	РМ	Пкт	Кубак
2021	Другая — Гомельскі	1	14	12	1	1	62–11	37	1/32
	Другая — плэй-оф	2 ▲	7	4	1	2	18–10
2022	Першая	4	24	12	5	7	45–34	41	1/16
2023	Першая	5	32	19	4	9	84–52	61	1/16
2024	Першая	1 ▲	34	23	4	7	75–27	73	1/2

Галоўныя трэнэры

• Уладзімер Сіманенка (да 2016 году)