Бабруйка

Бабру́йка — рака ў Беларусі, правы прыток Бярэзіны (басэйн Дняпра). Цячэ ў Бабруйскім раёне. Даўжыня 14,5 км. Вадазбор 88 км². Сярэдні нахіл воднай паверхні 1,2 ‰.

Рака

Бабруйка лац. Babrujka
Рака Бабруйка на фоне аднаго з бастыёнаў Бабруйскае фартэцыі
Агульныя зьвесткі
Выток	каля вёскі Каменка
Вусьце	Бярэзіна
Краіны басэйну	Беларусь
Вобласьці	Магілёўская вобласьць
Даўжыня	14,5 км
Плошча басэйну	88 км²
Нахіл воднай паверхні	1,2 ‰

Пры ўтоку ракі ў Бярэзіну стаіць места Бабруйск.

Пачынаецца за 1 км на поўдзень ад вёскі Каменкі. Цячэ Цэнтральнабярэзінскай раўнінай. На ўсім працягу каналізаваная^[1].

Назва ракі паходзіць ад баброў, якія раней насялялі яе. У вусьці ракі заснавалі Бабруйск, які атрымаў ад яе сваю назву. Тамака ж да канца XVIII стагодзьдзя знаходзіліся гарадзішча і замак, а ў XIX стагодзьдзі збудавалі Бабруйскую фартэцыю.