Байкот

Байко́т — адмыслова ладжаная, супольная адмова зьвязвацца або мець узаеміны з азначаным чалавекам, прадпрыемствам або ўрадам у адказ на несумленнае стаўленьне.

Паходжаньне панятка

У 1880 годзе аканом Чарльз Байкот, якому даручылі кіраваць фальваркам у Ірляндыі, выгнаў мясцовых земляробаў з дамоў за пратэрмінаваньне арэнднае платы. Пазбаўленыя жытла людзі ў адплату пачалі зьбіваць слугаў, ламаць агароджу ды перахопліваць пошту фальварка. Пазьней падобныя здарэньні з іншымі аканомамі пачалі называць «байкотамі», паводле прозьвішча Чарльза Байкота^[1].

Віды

1. Грамады:

• Грамадзкі,
• Выбарачны грамадзкі,
• Грамадзкіх падзеяў;

2. Гаспадараньня:

• Спажыўцоў,
• Тавара,
• Агульнакраёвы спажывецкі,
• Міжнародны спажывецкі,
• Працаўнікоў,
• Вытворцаў,
• Пастаўшчыкоў ды пасярэднікаў,
• Гандляроў;

3. Урада:

• Заканадаўчых установаў,
• Выбараў,
• Працы ў дзяржаўных установах ды займаньня дзяржаўных пасадаў,
• Урадавых установаў,
• Аб’яднаньняў, якія падтрымліваюцца ўрадам^[2].