Байрам Бэгай

Байрам Бэгай (па-альбанску: Bajram Begaj; нар. 20 сакавіка 1967, Рраражынэ) — альбанскі палітык, прэзыдэнт краіны з 24 ліпеня 2022 году^[1].

Байрам Бэгай
па-альбанску: Bajram Begaj
Начальнік Генэральнага штабу Узброеных сілаў Альбаніі[d]
29 ліпеня 2020 — 4 чэрвеня 2022
Папярэднік	Bardhyl Myrteza Kollçaku[d]
Прэзыдэнт Альбаніі
з 24 ліпеня 2022
Папярэднік	Ілір Мэта
Асабістыя зьвесткі
Нарадзіўся	20 сакавіка 1967(1967-03-20) (58 гадоў) Ррагажынэ[d], Народная Сацыялістычная Рэспубліка Альбанія
Партыя	незалежны палітык[d]
Адукацыя	Унівэрсытэт мэдыцыны ў Тыране[d]
Сужэнец	Armanda Begaj[d]
Сайт	president.al (альб.)​ (анг.)

З ліпеня 2020 году па чэрвень 2022 году займаў пасаду начальніка Генэральнага штабу альбанскіх Узброеных Сіл^[2][3][4]. 3 чэрвеня 2022 году быў афіцыйна вылучаны кіруючай сацыялістычнай партыяй кандыдатам у чацьвёртым туры прэзыдэнцкіх выбараў. Пасьля ўступленьня на пасаду стаў пятым у гісторыі Альбаніі прэзыдэнтам, якія маюць вайсковае мінулае, пасьля Ахмэта Зогу, Раміза Аліі, Альфрэда Майсіў і Буяр Нішані^[5].

Жыцьцяпіс

Нарадзіўся 20 сакавіка 1967 года ў Рраражынэ. У 1989 годзе скончыў мэдычны ўнівэрсытэт Тыраны і стаў дзеючым вайсковым доктарам у 1998 годзе. Мае прафэсійную доктарскую ступень, званьне «дацэнта» ў галіне мэдыцыны. Жанаты і мае двух сыноў.

За сваю 31-гадовую вайсковую кар’еру прыняў удзел у шматлікіх навучальных сэмінарах і прайшоў курсы па бясьпецы і абароне, скончыў вышэйшую мэдычнуюю школу пасьлядыплёмнай адукацыі, прайшоў пасьлядыплёмную спэцыялізацыю па гастрагепаталёгіі, курсы мэнэджмэнту і курс стратэгічнага мэдычнага лідэрства ў Злучаных Штатах Амэрыкі, спэцыялізаваны курс мэдыцыны і курс аховы здароўя ў Грэцыі^[2][3].

Займаў розныя вайсковыя пасады, у тым ліку: начальніка Вайскова-мэдычнай часткі і намесьніка вайсковага дырэктара, дырэктара вайсковага шпіталя Тыраны, дырэктара санітарнай інспэкцыі і г. д. У ліпіне 2020 году быў прызначаны начальнікам Генэральнага штабу Ўзброеных Сілаў Альбаніі і ўступіў на пасаду ў тым жа месяцы^[6].

4 чэрвеня 2022 году быў абраны Народным сходам Альбаніі на пасаду прэзыдэнта пры 78 галасах «за», 4 «супраць» і 1 устрымаўся. 57 дэпутатаў ад апазыцыі байкатавалі галасаваньне, заявіўшы, што працэс вылучэньня кандыдатаў быў незаконным. Зьмяніў Іліра Мэту і ўступіў на пасаду 24 ліпеня 2022 году.