Балты (дынастыя)

Балты (лац. Balti, Balthi, гоцк. Balþa) — каралеўская дынастыя вэстготаў, якая валадарыла ў 395—591 гадох.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Балты (неадназначнасьць).

Назва

Асноўны артыкул: Больд

Назва дынастыі паходзіць ад гоцкага слова balþa (baltha), што значыць «тлустыя» альбо «сьмелыя людзі»^[1].

У 1845 годзе пруска-нямецкі мовазнаўца Георг Нэсэльман дзеля азначэньня носьбітаў летувіскай і латыскай моваў увёў у навуковы ўжытак тэрмін «балты», які ў беларускай і шэрагу іншых моваў цалкам супаў з назвай каралеўскай дынастыі вэстготаў.

Генэалёгія

• I. Аларых I (памёр у 410) — першы кароль вэстготаў (395—410)
  • II. дачка — шлюб: Тэадорых I (загінуў у 451) — кароль вэстготаў (418—451)
    • III. Тарызмунд (забіты ў 453) — кароль вэстготаў (451—453)
    • III. Тэадорых II (забіты ў 466) — кароль вэстготаў (453—466)
    • III. Фрыдэрых (загінуў у 463)
    • III. Эйрых (памёр у 484) — кароль вэстготаў (466—484). Шлюб: Рагнагільда
      • IV. Аларых II (загінуў у 507) — кароль вэстготаў (484—507). Шлюбы: 1. канкубіна; 2. Тэўдыгота, дачка караля остготаў Тэадорыха Вялікага
        • V. Гезалек (ад першага шлюбу; загінуў у 511/513) — кароль вэстготаў (507—511)
        • V. Амаларых (ад другога шлюбу; загінуў у 531) — кароль вэстготаў (511/526—531). Шлюб: Клятыльда Малодшая (500/502—531), дачка караля франкаў Хлёдвіга I
    • III. Рыцымер
    • III. Гімнерыт
    • III. дачка — шлюб (да 442): кароль вандалаў Гунерых (памёр у 484)
    • III. дачка — шлюб (з 449): кароль свэваў Рэхіяр (загінуў у 456)