Дабрабыт (банк)

Адкрытае акцыйнае таварыства «Банк Дабрабыт» — камэрцыйны банк у Рэспубліцы Беларусь. Статутны фонд — 27 382,1 тыс руб^[5]. Уласьнікі — Нацыянальны банк Рэспублікі Беларусь (99,75% акцыяў), Парытэтбанк (0,25% акцыяў)^[6].

«Дабрабыт»
Тып	Адкрытае акцыянэрнае таварыства
Дэвіз	Мы пабудавалі масты між нашымі краінамі
Заснаваная	7 красавіка 2000 (25 гадоў таму)
Заснавальнікі	«Банк Масквы» (Расея)
Краіна	Беларусь
Разьмяшчэньне	Менск, вул. Камуністычная, д. 49, пам. 1
Ключавыя фігуры	старшыня праўленьня Ігар Ліхагруд[1]
Галіна	банкаўская
Прадукцыя	банкаўскія паслугі
Абарачэньне	▼260,4 мільярдаў рублёў (2010 год; 87 мільёнаў $)
Апэрацыйны прыбытак	▲70,4 млрд рублёў (2010; 23,5 млн $)
Чысты прыбытак	▲36,4 млн Br (2021)[2]
Лік супрацоўнікаў	▼627 чал. (2021)[3]
Матчына кампанія	Нацыянальны банк Рэспублікі Беларусь[2][4]
Аўдытар	«БДО»
Дабрабыт.бел

Рэквізыты

Месцазнаходжаньне: Менск, вул. Камуністычная, д. 49, пам. 1.

БІК 153001272, УНП 807000002, АКПА 37612181.

S.W.I.F.T. MMBNBY22.

Тэлекс 252255 PERUN BY^[7].

Дзейнасьць

Банк мае аддзяленьні ў 20 гарадох краіны.

Мінуўшчына

Створаны ў 2000 року пад назовам УП «Замежны банк „Масква-Менск“». У кастрычніку 2007 пераўтвораны ў ААТ «Банк Масква-Менск»^[8]. Уласьнікам зьяўляўся расейскі «Банк Масквы» (99,75%) і швайцарская кампанія BM Holding AG (0,25%) (канчатковы бэнэфіцыяр абодвух — расейская група ВТБ).

28 кастрычніка 2014 Нацыянальны банк Рэспублікі Беларусь і «Парытэтбанк» выкупілі 100% акцыяў у расейскага «Банка Масквы» і швайцарскай кампаніі BM Holding AG^[9], якія трапілі пад санкцыі эўрапейскіх дзяржаваў^[10] у сувязі з вайной Расеі супраць Украіны.

28 сьнежня 2018 году рашэньнем агульнага сходу акцыянэраў банка было прынята перайменаваць банк у Адкрытае акцыянэрнае таварыства «Банк Дабрабыт»^[11].

З 2022 году банк знаходзіцца пад санкцыямі Вялікабрытаніі, ЗША (гл. сьпіс спэцыяльна вызначаных грамадзянаў і заблякаваных асобаў), Канады, Швайцарыі, ЭЗ (гл. Чорны сьпіс Эўразьвязу), Японіі, Украіны^[12], з 2023 годзе – пад санкцыямі Новай Зэляндыі^[13].