Барсэлёна Гуаякіль

«Барсэлёна» (па-гішпанску: Barcelona S.C.) — эквадорскі футбольны клюб з Гуаякіля. Выступае ў эквадорскім найвышэйшым дывізіёне Сэрыі А і ёсьць адзіным клюбам Эквадору, які ніколі не выступаў дывізіёнам ніжэй у Сэрыі Б^[2]. «Барсэлёна» — самая пасьпяховая і папулярная футбольная каманда ў краіне, але ў Кубку Лібэртадорэс клюб ніколі не здабываў галоўны тытул, спыняючыся толькі ў фінале. Клюб быў закладзены 1 траўня 1925 году Эўтыміё Пэрэсам, гішпанскім імігрантам, які назваў клюб у гонар свайго роднага гораду Барсэлёны. Свае хатнія матчы дружына ладзіць на стадыёне Манумэнталь Ісыдра Рамэра Карба, найвялікшым у Эквадоры. Асноўным супернікам клюбу ёсьць яшчэ адна гуаякільская каманда «Эмэлек», матчы паміж супернікамі лічацца найважнейшым дэрбі ў Эквадоры. У дадатак да футболу клюб мае сэкцыі па баскетболе, боўлінзе, боксе, плаваньні, валейболе, бэйсболе, лёгкай атлетыцы і тэнісе.

Барсэлёна
Заснаваны	1 траўня 1925[1]
Горад	Гуаякіль, Эквадор
Стадыён	Манумэнталь Ісыдра Рамэра Карба Умяшчальнасьць: 59 283
Прэзыдэнт	Antonio Álvarez[d]
Чэмпіянат	Сэрыя А
· 2024	3 месца
Галерэя здымкаў у Вікісховішчы barcelonasc.com.ec (гішп.)

Дасягненьні

• Чэмпіён Эквадору (16):
  • 1960, 1963, 1966, 1970, 1971, 1980, 1981, 1985, 1987, 1989,
  • 1991, 1995, 1997, 2012, 2016, 2020