Белаграпрамбанк

«Белаграпрамбанк» — дзяржаўны камэрцыйны банк Рэспублікі Беларусь, што аказвае поўны спэктар банкаўскіх паслугаў для ўсіх катэгорыяў кліентаў. Мае ліцэнзіі на ажыцьцяўленьне банкаўскай дзейнасьці, прафэсійнай і біржавой дзейнасьці па каштоўных паперах. Мае 7 даччыных прадпрыемстваў: «Аграбізнэкансалт», «Агралізінг», «Азярыцкі-Агра», «Белданагра», «Тураўскі малочны камбінат», «Тураў Фрост Ворк», «Тураўшчына»^[5]. На 2010 год меў 7 філіялаў, 69 аддзяленьняў, 199 разьлікова-касавых цэнтраў^[6]. Унесены ў Чорны сьпіс Эўразьвязу.

«Белаграпрамбанк»
Тып	адкрытае акцыянэрнае таварыства
Дэвіз	Традыцыі будучыні
Заснаваная	3 верасьня 1991 (33 гады таму)
Краіна	Беларусь
Разьмяшчэньне	Менск, прасп. Жукава, 3
Ключавыя фігуры	Анатоль Лысюк (старшыня праўленьня)
Галіна	банкаўская сфэра
Прадукцыя	банкаўскія паслугі
Абарачэньне	▲2438,9 млрд рублёў (2009 год; 870 млн $)
Апэрацыйны прыбытак	▲465 млн Br (2021)[1]
Чысты прыбытак	▲77 млн Br (2021)[1]
Лік супрацоўнікаў	▼5129 чал. (2021)[2]
Матчына кампанія	Дзяржаўны камітэт па маёмасьці Рэспублікі Беларусь[3][4] і Белдзяржстрах[3][4]
Даччыныя кампаніі	«Аграбізнэкансалт», «Агралізінг» ды інш.
Аўдытар	«Дэлойт і Туш»
www.belapb.by

Дзейнасьць

Статутны фонд — болей за 4 трлн руб. (на 3 жніўня 2010 году)^[7].

Рэйтынгі банка

У 2009 годзе, паводле ацэнкі міжнароднага выданьня «The Banker» займаў 403-е месца ў сьвеце па аб’ёме ўласнага капіталу, 16-е — сярод банкаў Цэнтральнай і Ўсходняй Эўропы і 1-е сярод банкаў Рэспублікі Беларусь^[8].

Займае 325-е месца ў сьвеце па аб’ёме ўласнага капіталу, 9-е — сярод банкаў Цэнтральнай і Ўсходняй Эўропы і 1-е сярод банкаў Рэспублікі Беларусь (у 2010 годзе, па ацэнцы міжнароднага выданьня «The Banker»)^[9].

Мае 76 філіяў па краіне (2-е месца ў Беларусі)^[10], прадстаўніцтва ў Міляне (Італія)^[11].

У адпаведнасьці з пастановай Савету Міністраў і Нацыянальнага банку Рэспублікі Беларусь № 849/7 ад 18 чэрвеня 2008 году ААТ «Белаграпрамбанк» зьяўляецца банкам, упаўнаважаным абслугоўваць дзяржаўныя праграмы.

ААТ «Белаграпрамбанк» зьяўляецца галаўной арганізацыяй банкаўскага холдынгу.

Мінуўшчына

Заснаваны 3 верасьня 1991 году^[12]. На 2 ліпеня 2009 году рахункі ў банку мелі больш за 28 тыс. прадпрыемстваў і больш за мільён фізычных асобаў^[13].

У жніўні 2010 году ААТ «Белаграпрамбанк» першым сярод беларускіх банкаў укараніў сыстэму мэнэджмэнту якасьці абслугоўваньня фізычных асобаў і атрымаў сэртыфікат яе адпаведнасьці стандартам СТБ ISO 9001^[14].

Апэрацыйны даход у 2009 годзе складаў 152,1 млрд рублёў (54,3 млн $), у 2010 годзе — 253 382,5 млн руб^[15].

Санкцыі

24 чэрвеня 2021 году быў унесены ў Чорны сьпіс Эўразьвязу. Санкцыі Эўрапейскага Зьвязу прадугледжваюць абмяжаваньні на пазыкі на рынках ЭЗ і даступнасьць крэдытаў з тэрмінам пагашэньня ў больш чым 90 дзён ад эўрапейскіх контрагентаў^[16][17].

У сакавіку 2022 году адключаны ад SWIFT^[18].

Таксама банк трапіў у санкцыйныя сьпісы Швайцарыі (2021 год), Украіны, Японіі (2022 год) ды Канады (2023 год)^[19].