Белае возера (Сарочынскі сельсавет)

Бе́лае (Бе́льскае) — возера ва Ўшацкім раёне Віцебскай вобласьці. Знаходзіцца за 16 км на паўднёвы ўсход ад Ушачаў, каля вёскі Белае.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Белае возера.

Возера Белае Панарама возера Белага Возера Белае Краіна Беларусь Плошча 1,52 км² Плошча вадазбору 20,5 км² Максымальная глыбіня 21 м Найбольшая даўжыня 2,12 км Найбольшая шырыня 0,93 км Даўжыня берагавой лініі 6,65 км Аб’ём вады 6,34 млн м³ Каардынаты 55°6′45″ пн. ш. 28°52′20″ у. д. Белае на мапе Беларусі ± Белае Белае

Галерэя здымкаў у Вікісховішчы

Возера знаходзіцца ў басэйне ракі Дзьвіны, у міжрэччы рэк Выдрыцы і Ладасны. Плошча возера Белага складае 1,52 км². Найбольшая глыбіня возера — 21 м. Даўжыня возера — 2,12 км, найбольшая шырыня — 0,93 км. Даўжыня берагавой лініі — 6,65 км. Аб’ём вады ў возеры складае 6,34 млн м³, плошча вадазбору возера — 20,5 км².

Схілы катлавіны возера маюць вышыню 6—9 м. На поўначы вышыня схілаў сягае да 16 м. Берагі возреа высокія. На поўначы берагі зьліваюцца з схіламі, на поўдні — сплавінныя.

Мелкаводзьдзе вадаёма спадзістае. Дно возера плоскае, уздоўж берагу пяшчанае.

Возреа зарастае. Шырыня паласы прыбярэжнай расьліннасьці складае ад 25 да 100 м.

Літаратура

• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 60