Беларускае грамадзкае аб’яднаньне вэтэранаў

Беларускае грамадзкае аб’яднаньне вэтэранаў — грамадзкае аб’яднаньне Беларусі, заснаванае ў 1991 годзе^[2]. З 2001 году ўдзельнічала ў Рэспубліканскай каардынацыйнай радзе кіраўнікоў палітычных партыяў і грамадзкіх аб’яднаньняў^[3]. З 1994 году пасаду старшыні займае Анатоль Новікаў.

Беларускае грамадзкае аб’яднаньне вэтэранаў
Абрэвіятура	БГАВ
Дата ўтварэньня	29 кастрычніка 1991 (33 гады таму)
Юрыдычны статус	грамадзкае аб’яднаньне
Мэта	Абарона зацікаўленасьцяў вэтэранаў
Штаб-кватэра	Менск, вул. Янкі Купалы, д. 21, каб. 102
Сяброўства	2,5 мільёну чалавек (2012)[1]
Старшыня	Анатоль Новікаў
Кіроўны орган	Рада
Матчына кампанія	РКРКППГА
Колішняя назва	Арганізацыя вэтэранаў Рэспублікі Беларусь (да 1995 году), Беларуская рэспубліканская арганізацыя вэтэранаў (да 2000 году)

Першым старшынёю быў Анатоль Яўгенавіч Андрэеў (1991—1994)^[4].

Задачы

Задачамі аб’яднаньня ёсьць:

• паляпшэньне дабрабыту, жыльлёвых умоваў і абслугі вэтэранаў;
• нагляд за забесьпячэньнем ільготаў і выплатай пэнсіяў;
• клопат пра помнікі і месцы пахаваньняў.