Беларуская энцыкляпэдыя імя Петруся Броўкі

«Беларуская энцыкляпэдыя імя Петруся Броўкі» — дзяржаўнае выдавецтва Беларусі, заснаванае ў студзені 1967 году ў якасьці Галоўнай рэдакцыі Беларускай савецкай энцыкляпэдыі^[2].

«Беларуская энцыкляпэдыя імя Петруся Броўкі»
Тып	унітарнае прадпрыемства
Заснаваная	1 студзеня 1967 (58 гадоў таму)
Заснавальнікі	Акадэмія навук БССР
Краіна	СССР Беларусь
Разьмяшчэньне	Менск, Першамайскі раён, зав. Калініна, д. 16
Закрытая	1 лістапада 2021
Ключавыя фігуры	Уладзімер Андрыевіч, Ларыса Языковіч
Галіна	выдавецкая
Прадукцыя	кнігі
Лік супрацоўнікаў	39 (2017 г.)[1]
Матчына кампанія	Міністэрства інфармацыі Рэспублікі Беларусь
bel-en.by

На 2018 год выдавецтва ўлучала 6 рэдакцыяў: 1) гістарычных навук, 2) сучаснага прыродазнаўства, 3) літаратуры, мастацтва і культуралёгіі, 4) літаратурнага і навуковага кантролю, 5) мастацка-тэхнічнай падрыхтоўкі выданьняў, 6) спэцыяльных праектаў і электронных выданьняў.

Мінуўшчына

1 студзеня 1967 году Акадэмія навук БССР заснавала Галоўную рэдакцыю Беларускай савецкай энцыкляпэдыі на правах навукова-дасьледчага інстытуту. 1 студзеня 1975 году Дзяржаўны камітэт друку БССР атрымаў рэдакцыю ў сваё падпарадкаваньне. У 1980 годзе рэдакцыю пераўтварылі ў выдавецтва, якому надалі імя Петруся Броўкі^[2].

Галоўныя рэдактары

• Пятрусь Броўка (1967—1980)
• Іван Шамякін (1980—1992)
• Міхась Ткачоў (красавік—кастрычнік 1992)
• Барыс Іванавіч Сачанка (1993—1995)^[2]
• Генадзь Пашкоў (1996—2008)
• Уладзімер Саламаха (2008—2010)
• Ларыса Языковіч (з 2010 году)

Шматтомныя выданьні

• Беларуская савецкая энцыкляпэдыя (12 тамоў, 1969—1975, Дзяржаўная прэмія БССР 1976)
• Беларуская ССР: кароткая энцыкляпэдыя (5 тамоў, 1978—1981)
• Тлумачальны слоўнік беларускай мовы (5 тамоў, 1977—1984)
• Энцыкляпэдыя літаратуры і мастацтва Беларусі (5 тамоў, 1984—1987)
• Збор помнікаў гісторыі і культуры Беларусі (7 тамоў, 1984—1988, Дзяржаўная прэмія БССР 1990)
• Энцыкляпэдыя прыроды Беларусі (5 тамоў, 1983—1986, срэбраны мэдаль праграмы ААН па навакольным асяродзьдзі 1984)
• Беларуска-расейскі слоўнік (2 тамы, 1988—1989, 2-е выд.)
• Беларускія пісьменьнікі: даведнік (6 тамоў, 1992—1995)
• Энцыкляпэдыя гісторыі Беларусі (6 тамоў, 1993—2003)
• Фразеалягічны слоўнік беларускай мовы (2 тамы, 1993, Іван Лепешаў)
• Ілюстраваная храналёгія гісторыі Беларусі (2 тамы, 1995—1996)
• Расейска-беларускі слоўнік (3 тамы, 1995, 6-е выд.)
• Беларуская энцыкляпэдыя (18 тамоў, 1996—2004)
• Тэатральная Беларусь (2 тамы, 2002—2003)
• Памяць: гісторыка-дакумэнтальная хроніка (146 тамоў пра кожны раён Беларусі, 1985—2005)
• Вялікае княства Літоўскае: энцыкляпэдыя (3 тамы, 2005—2010)
• Археалёгія Беларусі (2 тамы, 2009)
• Культура Беларусі: энцыкляпэдыя (6 тамоў, 2010—2016)
• Гарады і вёскі Беларусі (15 тамоў, з 2004-га году)