Беларускі выдавецка-мастацкі клюб «Пагоня»

Беларускі выдавецка-мастацкі клюб «Пагоня» ў Таронта — грамадзка-культурная арганізацыя эмігрантаў зь Беларусі.

Заснаваны ў студзені 1967 году ініцыятыўнай групай беларусаў у Таронта (Канада) на чале з Кастусём Акулам і Антонам Маркевічам^[1]. Мае адкрытае сяброўства. Сябрамі клюбу зьяўляюцца эмігранты-суайчыньнікі, а таксама прадстаўнікі Аўстраліі, Бэльгіі, Вялікабрытаніі, ЗША, Канады, Францыі.

Клюб ставіць сабе за мэту распаўсюджаньне беларускай культуры сярод суродзічаў, прадстаўнікоў іншых нацыянальнасьцяў. Пры фінансавай падтрымцы клюбу выходзяць кнігі на беларускай і ангельскай мовах, кружэлкі зь беларускімі песьнямі і музыкай, выкананыя насьценныя гербы, нагрудныя срэбраныя і залатыя значкі з выявай «Пагоні». Выдае бібліяграфічныя каталёгі і рассылае іх па ўнівэрсытэтах, удзельнічае ў выстаўках, арганізоўвае навагоднія лятарэі.

Глядзіце таксама

• Беларусы Канады
• Згуртаваньне беларусаў Канады