Белэксімгарант

«Белэксімгарант» — дзяржаўнае прадпрыемства Беларусі, заснаванае ў 1997 годзе пад назовам «Белдзяржзьнешстрах» для страхаваньня экспарту. 23 траўня 2001 г. займеў сучасны назоў. Зь 2002 г. бярэ ўдзел у Праскім клюбе (Чэхія) міжнароднага Бэрнскага зьвязу страхаўнікоў(en) пазыкаў і ўкладаньняў (Швайцарыя). 25 жніўня 2006 г. А.Лукашэнка Ўказам № 534 надаў прадпрыемству выключнае права страхаваць экспарт зь дзяржаўнай падтрымкай^[3]. На 2014 г. мела прадстаўніцтвы ва ўсіх абласных цэнтрах.

Белэксімгарант
Тып	Унітарнае прадпрыемства
Дэвіз	Разам мы мацней
Заснаваная	7 жніўня 1997 (27 гадоў таму)
Заснавальнікі	«Белдзяржстрах»
Разьмяшчэньне	Менск, вул. Мельнікайтэ, д. 2
Ключавыя фігуры	Генадзь Міцкевіч
Галіна	Страхаваньне
Прадукцыя	Страхоўка экспарту, таксама пазыкаў і аўтамабіляў
Абарачэньне	▲464,6 млрд рублёў[1] (2013; $51,8 млн)[2]
Апэрацыйны прыбытак	▲172,8 млрд руб ($19,3 млн)
Чысты прыбытак	▲84,4 млрд руб ($9,4 млн)
Лік супрацоўнікаў	443 (2013)
Матчына кампанія	Міністэрства фінансаў Рэспублікі Беларусь
Аўдытар	ТАА «ФБК-Бел»
www.eximgarant.by

Мінуўшчына

7 жніўня 1997 г. Савет міністраў Рэспублікі Беларусь Пастановай № 1036 ухваліў стварэньне прадпрыемства «Белдзяржзьнешстрах» у якасьці даччынага прадпрыемства дзяржаўнай кампаніі «Белдзяржстрах»^[4]. 23 траўня 2001 г. Савет міністраў Беларусі Пастановай № 752 падпарадкаваў прадпрыемства сабе і перайменаваў у «Белэксімгарант»^[5]. У 2010 г. «Белэксімгарант» забясьпечыў страхавым пакрыцьцём 57% экспартных пазыкаў. Заняў 6-ае месца ў Беларусі паводле абсягу страхавых унёскаў (62,1 млрд руб; $20,7 млн)^[6]. Дзель дзяржаўных прадпрыемстваў у агульным абсягу страхавога пакрыцьця склала 86,4%. На пачатак 2011 г. стаўся 2-ім страхаўніком краіны паводле ўласнага капіталу (463 млрд руб; $154,3 млн)^[7] і статутнага фонду^[8]. У 2012 г. аказаў паслугі звыш 8 тыс. прадпрыемствам краіны. Зьяўляўся 4-ым паводле прыбытковасьці страхавым прадпрыемствам Беларусі. У 2013 г. выплаты застрахаваным склалі 13% (59,5 млрд руб) ад іх унёскаў (463,4 млрд руб). Дзель унёскаў на страхаваньне экспарту склала 21% (99,4 млрд руб). На 4 жніўня 2014 г. статутны фонд прадпрыемства склаў 4060 млрд рублёў^[9] ($393,4 млн)^[10].

Кіраўнікі

• Вячаслаў Балібок (29 студзеня 1998^[11] — 2009)
• Генадзь Міцкевіч (з 29 сьнежня 2009 г.)