Берасьцейскі лядовы палац спорту

Берасьцейскі лядовы палац спорту — спарткомплекс у горадзе Берасьце, Беларусь. Уведзены ў эксплюатацыю 30 чэрвеня 2000 году. Асноўнае прызначэньне — правядзеньне матчаў па хакеі з шайбай, спаборніцтваў па фігурным катаньні, шорт-трэк у і іншых лядовых відах спорту.

Прадугледжана магчымасьць трансфармаваньня хакейнай каробкі ў пляцоўку для гульнявых відаў спорту, спартыўных адзінаборстваў, тэніса, цяжкай атлетыкі, гімнастыкі, бокса, а таксама ў сцэну для правядзеньня канцэртаў і іншых відовішчных мерапрыемстваў. Умяшчальнасьць палаца складае 2000 гледачоў, маюцца VIP месцы. У вольны ад спартовых мерапрыемстваў час лядовая пляцоўка задзейнічана для правядзеньня масавых катаньняў на каньках.

Палац спорту пабудаваны за кошт сродкаў рэспубліканскага бюджэту і зьяўляецца гарадзкой камунальнай уласнасьцю. Арэна служыць хатняй пляцоўкай хакейнага клюбу «Берасьце» выступае ў беларускай экстралізе, а таксама базай для дзіцячых хакейных сэкцый і ДЮСШ.