Браніслаў Багатырэвіч

Браніслаў Багатырэвіч (па-польску: Bronisław Bohatyrewicz) гербу «Астоя» (1870, Горадня — 1940, Катынь) — беларуска-польскі вайсковец, адзін з двух ідэнтыфікаваных генэралаў войска польскага, якія былі забітыя падчас катынскага расстрэлу.

Браніслаў Багатырэвіч

Герб «Астоя»
Асабістыя зьвесткі
Нарадзіўся	24 лютага 1870(1870-02-24) або 24 красавіка 1870(1870-04-24) Грандзічы, Горадня
Памёр	6 красавіка 1940(1940-04-06) Катынь, Смаленскі раён, Смаленская вобласьць, РСФСР, СССР
Род	Багатырэвічы
Бацькі	Казімер Багатырэвіч Марыя з Каваліцкіх
Дзеці	Віктар, Казімер
Рэлігія	рыма-каталік
Дзейнасьць	афіцэр

Біяграфія

Багатырэвіч нарадзіўся 24 лютага ці 24 красавіка 1870 году ў Горадні ў шляхецкай сям’і. Служыў у царскай арміі, атрымаў афіцэрскі тытул. У верасьні 1918 году ён далучыўся да польскага войска, у 1918—1919 гадах кіраваў аддзелам мясцовай самаабароны ў Горадні, які потым быў перафармаваны ў беларуска-літоўскую пяхотную дывізію.

У 1919 годзе ён узначаліў 81-ы пяхотны полк. Пасьля заканчэньня польска-савецкай вайны ён прайшоў навучаньне ў Вышэйшай вайсковай школе ў Варшаве. Паміж 1923 і 1926 гадамі Багатырэвіч кіраваў пяхотай у 18-й польскай пяхотнай дывізіі, а ў 1927 годзе быў павышаны да брыгаднага генэрала і сышоў з актыўнай вайсковай службы.

Пасьля савецкага нападу на Польшчу ў 1939 годзе Багатырэвіч быў арыштаваны органамі НКВД і вывезены ў Казельск на тэрыторыі СССР. Увесну 1940 году ён быў расстраляны ў Катыні разам зь некалькімі тысячамі польскіх афіцэраў і генэралам Мечыславам Смаравінскім. Цела Багатырэвіча было знойдзена немцамі ў 1943 годзе падчас эксгумацыі на месцы расстрэлу.