Бухавіцкі сельсавет

Бу́хавіцкі сельсавет^[1] (сучасная назва — Бухо́віцкі сельсавет^[2]) — адміністрацыйна-тэрытарыяльная адзінка ў складзе Кобрынскага раёну Берасьцейскай вобласьці. Адміністрацыйны цэнтар — вёска Бухавічы.

Гісторыя

12 кастрычніка 1940 году створаны Яроміцкі сельсавет у складзе Кобрынскага раёну Берасьцейскай вобласьці БССР. Цэнтар — вёска Яромічы. 16 ліпеня 1954 году да сельсавету далучаная тэрыторыя скасаванага Засімоўскага сельсавету^[3]. 11 жніўня 1959 году ў склад сельсавету з Тэвельскага сельсавету перададзеныя вёскі Бяроза Касьцінская, Дахлава, Казішча і Каменка^[4]. 30 кастрычніка 1959 году да сельсавету далучаная тэрыторыя скасаванага Лепясоўскага сельсавету^[5]. 19 ліпеня 1976 году сельсавет перайменаваны ў Бухавіцкі, цэнтар перанесены ў вёску Бухавічы^[6][7].

Насельніцтва

Насельніцтва сельсавету паводле перапісу 2009 году — 5407 чалавек^[8], зь іх 89,5 % — беларусы, 4,5 % — расейцы, 4,0 % — украінцы^[9].

Населеныя пункты

• 1 студзеня 1981 году — 24^[10]
• 1 студзеня 1986 году — 24^[11]