Быстрая (басэйн Дняпра)

Бы́страя — рака ў Горацкім і Дрыбінскім раёнах Магілёўскай вобласьці, левы прыток ракі Проні (басэйн Дняпра). Даўжыня 46 км. Плошча вадазбору 688 км². Выдатак вады ў вусьці каля 4,3 м³/с. Сярэдні нахіл воднай паверхні 0,9‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Быстрая.

Рака

Быстрая
Агульныя зьвесткі
Выток	каля в. Быстрая
Вусьце	Проня
Краіны басэйну	Беларусь
Вобласьці	Магілёўская вобласьць
Даўжыня	46 км
Сярэднегадавы сьцёк	4,3 м³/с
Плошча басэйну	688 км²
Нахіл воднай паверхні	0,9 ‰

Асноўныя прытокі

• Правыя: Дняпрэц, Лебядзёўка, Каліноўка, Жалезьня
• Левыя: Рамясьцьвянка

Агульныя зьвесткі

Пачынаецца каля мяжы з Расеяй, за 5 км на ўсход ад вёскі Быстрая Горацкага раёну, вусьце каля вёскі Дрыбін. Цячэ пераважна Горацка-Амсьціслаўскай раўнінай.

Даліна трапэцападобная, шырынёй 0,8—1 км. Абалона месцамі двухбаковая, яе шырыня 0,2—0,25 км. Рэчышча зьвілістае, шырыня ракі ў межань 3—15 м. Выкарыстоўваецца як водапрыёмнік мэліярацыйных каналаў; каналізавана 6 км рэчышча ў верхняй плыні^[1].

Гідранімія

Рака названая паводле характару плыні: славянскае «bystry» — хуткі.