Бяржонка

Бяржо́нка — возера ў Браслаўскім раёне Віцебскай вобласьці, у басэйне ракі Акунёўкі, за 9 кілямэтраў на паўднёвы захад ад гораду Браслава, за 1 км на паўднёвы ўсход ад вёскі Ёдлавічы^[1].

Возера Бяржонка Краіна Беларусь Плошча 0,19 Плошча вадазбору 6,56 Максымальная глыбіня 2,9 Найбольшая даўжыня 0,69 Найбольшая шырыня 0,39 Даўжыня берагавой лініі 1,9 Каардынаты 55°34′15.4″ пн. ш. 26°56′43.1″ у. д. Бяржонка на мапе Беларусі Бяржонка

Плошча паверхні возера 0,19 км², даўжыня 690 мэтраў, найбольшая шырыня 390 мэтраў, найбольшая глыбіня 2,6 м, даўжыня берагавой лініі 1,9 км. Плошча вадазбору 6,56 км². Абкружана забалочанай поймай, парослай хмызьняком.

Катлавіна возера выцягнутая ў напрамку з поўначы на поўдзень. Схілы катлавіны вышынёй да 2 мэтраў, пясчаныя, разараныя. Дно выслана сапрапэлем. Зарастае. У заходняй частцы ў Бяржонку ўпадае ручай. У паўднёвай частцы выцякае ручай у возера Пагошча.