Бібліятэкар

Бібліятэкар — адмысловец у зьбіраньні, адборы, пашырэньні, разьмяшчэньні ды захоўваньні кнігазбораў, які забясьпечвае імі чытачоў бібліятэкі. Ягоная праца ўлучае:

• утварэньне, пашырэньне ды захоўваньне ўпарадкаванага збору друкаваных выданьняў ды іх лічбавых відэа- і гуказапісаў;
• адбор і параду ў набыцьці кнігаў ды іх лічбавых відэа- і гуказапісаў;
• разьмеркаваньне ды складаньне сьпісу прыналежнасьцяў кнігасховішча;
• вядзеньне бібліятэчнага запазычаньня ды міжбібліятэчнага пазычаньня;
• атрыманьне й выдачу зьвестак прадпрыемствам аб кнігазборах;
• дасьледаваньне, агляд ды зьмену паслугаў кнігасховішча чытачам;
• распрацоўку ды выкананьне прыёмаў захоўваньня, разьмяшчэньня, разьмеркаваньня ды пошуку зьвестак;
• падрыхтоўка кнігазнаўчых працаў ды справаздачаў;
• пошук для чытачоў спасылак на друкаваныя выданьні^[1].