Валадарскага, 10 (Менск)

Дом па вуліцы Валадарскага, 10 — трохпавярховы будынак у Менску, пабудаваны ў канцы XIX стагодзьдзя.

Дом
Валадарскага, 10
Краіна	Беларусь
Горад	Менск
Адрас	вуліца Валадарскага (10)
Каардынаты	53°53′51.77″ пн. ш. 27°33′2.68″ у. д.
Дата пабудовы	XIX ст.
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Валадарскага, 10 на мапе Беларусі Валадарскага, 10
Валадарскага, 10 на Вікісховішчы

Дом № 10 уяўляе сабой мураваны трохпавярховы з мансардамі прамавугольны ў пляне будынак. Зь левага боку на галоўным фасадзе праезд у двор. Гарызантальна фасад падзелены карнізным поясам паміж першым і другім паверхамі, завершаны карнізам з дэнтыкуламі. Сьцены на першым паверсе апрацавана рустам. Прамавугольныя аконныя праёмы на ніжніх двух паверхах дэкараваныя простымі ліштвамі з замковым каменем. На трэцім паверсе рытмічна разьмешчаны бальконы з балюстраднымі агароджамі. Два галоўныя ўваходы флянкаваныя паўкалёнамі, якія падтрымліваюць антаблемэнт з карнізам са значным вынасам. На фасадзе блёкі лесьвічных клетак вылучаныя паўкруглымі атыкамі.

Літаратура

• Дзяржаўны сьпіс гісторыка-культурных каштоўнасьцяў Рэспублікі Беларусь / склад. В. Абламскі, І. Чарняўскі, Ю. Барысюк. — Менск: БелТА, 2009. — 684 с. — ISBN 978-985-6828-35-8

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  712Г000023

Валадарскага, 10 (Менск) — сховішча мультымэдыйных матэрыялаў