Валеры Галубовіч

Валеры Іванавіч Галубовіч (нар. 10 кастрычніка 1943, Магілёў) — беларускі гісторык. Кандыдат гістарычных навук (1974), прафэсар (1997).

Валеры Галубовіч лац. Valery Hałubovič
Дата нараджэньня	10 кастрычніка 1943(1943-10-10) (81 год)
Месца нараджэньня	Магілёў, БССР, СССР
Месца вучобы	гістарычны факультэт БДУ БДУ
Занятак	гісторык
Месца працы	БДЭУ
Навуковая ступень	кандыдат гістарычных навук[d]

Вікіпэдыя мае артыкулы пра іншых асобаў з прозьвішчам Галубовіч (неадназначнасьць).

Скончыў гістарычны факультэт БДУ (1970). З 1974 у Беларускім дзяржаўным эканамічным унівэрсытэце, з 1985 загаднік катэдры эканамічнай гісторыі.

Дасьледуе гаспадарку земляў сучаснай Беларусі ў IX—XIII стст., эканамічнае разьвіцьцё БССР у 1940—1980-я, гісторыю разьвіцьця ў Беларусі эканамічнай навукі і адукацыі (гісторыю БДУ).

Пад кіраўніцтвам і навуковай рэдакцыяй В. Галубовіча ўпершыню ў Беларусі для студэнтаў эканамічных спэцыяльнасьцяў ВНУ распрацавалі праграму курсу «Эканамічная гісторыя Беларусі», а таксама курс параўнаўчай эканамічнай гісторыі «Эканамічная гісторыя Беларусі і замежных краін».

Мае каля 90 навуковых і навукова-мэтадычных працаў. Аўтар шэрагу дапаможнікаў па эканамічнай гісторыі Беларусі і замежжа. Сябар рэдакцыйнай калегіі «Беларускага гістарычнага часопіса».