Валянцін Татарыцкі

Валянці́н Балясла́вавіч Татарыцкі (нар. 21 красавіка 1963, в. Ждановічы Стаўпецкага раёну) — беларускі дзяржаўны дзеяч, старшыня Дзяржаўнага камітэту па стандартызацыі (2019—2024).

Валянцін Татарыцкі
Старшыня Дзяржаўнага камітэту па стандартызацыі Рэспублікі Беларусь
15 студзеня 2019 — 23 студзеня 2024
Прэзыдэнт	Аляксандар Лукашэнка
Прэм’ер-міністар	Сяргей Румас
Папярэднік	Віктар Назаранка
Наступнік	Алена Маргунова
Асабістыя зьвесткі
Нарадзіўся	21 красавіка 1963 в. Ждановічы Стаўпецкага раёна
Адукацыя	вышэйшая

Жыцьцяпіс

Скончыў Менскі радыётэхнічны інстытут (1986), Акадэмію кіраваньня пры прэзыдэнце Рэспублікі Беларусь (2009).

У 1986—1988 гадах працаваў інжынэрам-тэхнолягам завода «Сэнсар» Менскага вытворчага аб’яднаньня «Гарызонт». З 1988 году працаваў у навукова-вытворчым комплексе мікраэлектронікі «Сыгнал» Менскага вытворчага аб’яднаньня «Гарызонт», займаў пасады інжынэра-тэхноляга, вядучага інжынэра-тэхноляга, намесьніка начальніка цэха, намесьніка начальніка вытворчасьці, начальніка вытворчасьці, галоўнага тэхноляга. З 1999 па 2015 год прайшоў шлях ад намесьніка тэхнічнага дырэктара да дырэктара ААТ «Рудзенск» (Пухавіцкі раён Менскай вобласьці). У 2015 годзе быў прызначаны намесьнікам старшыні Дзяржаўнага камітэту па стандартызацыі Беларусі^[1].

15 студзеня 2019 году ўказам прэзыдэнта Рэспублікі Беларусь быў прызначаны старшынём Дзяржаўнага камітэту па стандартызацыі Рэспублікі Беларусь^[2].

Займаў гэтую пасаду да 23 студзеня 2024 году.