Валянцін Чаканаў

Валянці́н Сярге́евіч Чака́наў (нар. 29 красавіка 1957 году ў Бабруйску, Беларуская ССР) — беларускі дзяржаўны дзяяч, міністар гандлю Беларусі (2009—2015).

Валянцін Чаканаў
Міністар гандлю Рэспублікі Беларусь
9 студзеня 2009 — 17 сьнежня 2015
Прэзыдэнт	Аляксандар Лукашэнка
Прэм’ер-міністар	Сяргей Сідорскі
Папярэднік	Аляксандар Іванкоў
Наступнік	Уладзімер Калтовіч
Асабістыя зьвесткі
Нарадзіўся	29 красавіка 1957 (68 гадоў) Бабруйск, Магілёўская вобласьць, БССР
Адукацыя	Акадэмія кіраваньня пры прэзыдэнце Рэспублікі Беларусь

Біяграфія

Нарадзіўся ў Бабруйску Магілёўскай вобласьці Беларусі ў 1957 г.

Скончыў Інстытут народнай гаспадаркі, Інстытут паліталёгіі пры ЦК КПБ, Акадэмію кіраваньня пры прэзыдэнце Рэспублікі Беларусь.

Працаваў першым сакратаром Магілёўскага абкаму камсамолу, начальнікам управы гандлю Бабруйскага гарвыканкаму, ва Ўправе справамі прэзыдэнта.

Са жніўня 2003 году — генэральны дырэктар ААТ «Белбакалея».

9 студзеня 2009 прызначаны міністрам гандлю Рэспублікі Беларусь. 17 сьнежня 2015 вызвалены з пасады^[1].