Варона

Варона^[1] (па-лацінску: Corvus) — шырока распаўсюджаны род зь сямейства крумкачовых (Corvidae). Да ліку гэтага роду прылічваюць такія віды, як то вароны, крумкачы і гракі. Да відаў, якія звычайна сустракаюцца ў Эўропе, адносяць чорную варону, шэрую варону, крумкача і грака. Прыблізна 46 прадстаўнікоў гэтага роду сустракаюцца на ўсіх кантынэнтах у мерным клімаце, за выключэньнем Паўднёвай Амэрыкі і некалькіх астравоў. Віды гэтага роду складаюць траціну ад усіх відаў сямейства крумкачовых.

Варона
Клясыфікацыя
Царства	Жывёлы
Тып	Хордавыя
Кляса	Птушкі
Атрад	Вераб’інападобныя
Сямейства	Крумкачовыя
Род	Варона
Бінамінальная намэнклятура
Corvus
Варона ў Вікісховішчы ITIS 179724 ·

Віды варонаў цалкам чорныя або чорныя з даданьнем белага або шэрага апярэньня. Гэты моцныя птушкі з магутнымі дзюбамі ды нагамі. Назіраецца абмежаваны плоцевы дымарфізм. Віды гэтага роду пераважна зграйныя, прывязаныя да пэўнай тэрыторыя ды ўсёедныя. Нядаўнія дасьледаваньні выявілі, што некаторыя віды варонаў здольныя ня толькі выкарыстоўваць інструмэнты, але і будаваць прылады^[2]. Вароны ў цяперашні час зважаюцца аднымі з самых разумных жывёлаў у сьвеце^[3], а іхні каэфіцыент энцэфалізацыі параўнальны з каэфіцыентам многіх прыматаў^[4].