Вася Бусьлік і яго сябры

Вася Бусьлік і яго сябры — беларускі мультфільм, выпушчаны ў 1973 годзе. Першы мультфільм, створаны на кінастудыі Беларусьфільм.

Вася Бусьлік і яго сябры
Тып мультфільму	анімацыйны фільм
Рэжысэр	Уладзімер Голікаў
Аўтар сцэнару	Алена Кобец-Філімонава
Кампазытар	Андрэй Шпянёў
Апэратар	Анатоль Кляйменаў
Гукаапэратар	Т. Жук
Студыя	Беларусьфільм
Краіна	БССР
Працягласьць	8 хвілін 44 секунды
Прэм’ера	1973

Сюжэт

Мультфільм апавядае пра сяброўства піянэра Васі Бусліка са зьвяркамі і распавядае аб неабходнасьці ведаў у жыцьці. Пеўнік, Заяц, Воўк і Медзьведзяня гулялі ў футбол на лясной палянцы. Непадалёк была дошка з надпісам: «Увага! Балота!», але зьвяркі ня ўмелі чытаць. Здарылася так, што мяч рушыў у балота, зьвяркі вырашылі яго дастаць і трапілі ў бяду. Іх выратаваў Вася Буслік, які прыйшоў у лес з фотаружжом.

Здымачная група

• Уладзімер Голікаў — рэжысэр-пастаноўшчык
• Алена Кобец-Філімонава — аўтар сцэнарыя
• Анатоль Кляйменаў — апэратар-пастаноўшчык
• П. Шынкевіч — мастак-пастаноўшчык
• В. Зарубін — мультыплікатар
• Ф. Ялдзінаў — мультыплікатар
• В. Жахавец — мастак
• В. Міраненка — мастак
• Н. Сапожнікава — мастак
• Е. Курмаз — мастак
• Е. Бязручка — мастак
• Андрэй Шпянёў — кампазытар
• Т. Жук — гукаапэратар
• А. Мажэйка — мантаж
• Самсон Палякоў — тэкст песень
• ​​А. Пушкін — рэдактар
• Л. Кароза — дырэктар

Вонкавыя спасылкі

• Мультфільм "Вася Бусьлік і яго сябры" на сайце animator.ru