Васіль Каранькоў

Васіль Каранькоў па-расейску: Васи́лий Афана́сьевич Кореньков.

Васіль Каранькоў
Дэпутат Дзяржаўнай Думы Расейскай імпэрыі
27 красавіка (ст. ст.) 1906  — 8 ліпеня 1906
Асабістыя зьвесткі
Нарадзіўся	1872 сяло Высокае, Аршанскі павет, Магілёўская губэрня, Расейская імпэрыя
Памёр	невядома

Нарадзіўся ў 1872 годзе ў сяле Высокае Аршанскага павету. Кравец і земляроб. Атрымаў пачатковую адукацыю^[1].

27 сакавіка 1906 году быў абраны ў Першую Дзяржаўную Думу Расеі са складу выбаршчыкаў Магілёўскага губэрнскага выбарчага сходу. Уваходзіў у групу пазапартыйных дэпутатаў-сялянаў беларусаў ад пяці Паўночна-Заходніх губэрняў. У думскіх камісіях не працаваў. Пад час дэбатаў па складаньні адраса на тронную прамову 4 траўня заявіў коратка:

«…Я, панове прадстаўнікі, зьвяртаю асаблівую ўвагу на тое, што вы не жадаеце зьмясьціць зямельнае пытаньне ў першых радках адраса. Гэта памылкова. Мы, сяляне, зладжана прынялі пастанову з патрабаваньнем амністыі. Амністыю мы зьмясьцілі, так бы мовіць, у першыю чаргу. У другую варта патрабаваць зямлі. На першым месьце пастаўлена амністыя. На другое належыць паставіць зямлю, а на трэцьцяе ўсеагульную адукацыю. Калі гэта будзе выканана, то мы ўсе ахвотна падпішамся пад адрасам…»^[2]

«…Першая наша патрэба — зямля, другая — адукацыя. Мы нават непісьменныя, мы нічога ня ведаем, вось за гэта нас ашукваюць, таму што мы ўсе неадукаваныя. Сяляне, па-першае трэба пытаць Гасудара Імператора, каб ён дапамог нам у барацьбе з супернікамі. Колькасна нас сялян багата, але адукаваных у нас зусім крыху. Мы нічога ня ведаем…»^[3][4]

Пасьля роспуску Думы вярнуўся ў Высокае. 10 жніўня 1921 году быў арыштаваны і прысуджаны да аднаго году зьняволеньня як чалец партыі эсэраў. Далейшы лёс невядомы. Рэабілітаваны 29 траўня 1992 году пракуратурай Віцебскай вобласьці^[5][6].