Ведрыч

Ве́дрыч, Ведрач — рака ў Беларусі, правы прыток ракі Дняпра. Цячэ ў Каленкавіцкім і Рэчыцкім раёнах Гомельскай вобласьці. Даўжыня 68 км. Плошча вадазбору 1330 км². Выдатак вады ў вусьці 4,5 м³/с. Сярэдні нахіл воднай паверхні 0,3‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ведрыч (неадназначнасьць).

Рака

Ведрыч
Агульныя зьвесткі
Выток	каля в. Уюнішчаў
Вусьце	Дняпро
Краіны басэйну	Беларусь
Вобласьці	Гомельская вобласьць
Даўжыня	68 км
Сярэднегадавы сьцёк	4,5 м³/с
Плошча басэйну	1330 км²
Нахіл воднай паверхні	0,3 ‰
Галерэя здымкаў у Вікісховішчы

Асноўныя прытокі

• Правыя: канава Рэбуска, Катынь
• Левыя: Днепрык, Дзяражня

Агульныя зьвесткі

Пачынаецца за 2 км на паўднёвы захад ад вёскі Ўюнішчаў Каленкавіцкага раёну, упадае ў Дняпро каля вёскі Азершчыны Рэчыцкага раёну. Цячэ Гомельскім Палесьсем.

Даліна невыразная, шырыня 0,6—0,8 км. Абалона шырынёй 0,3—0,5 км, сухая, лугавая. Ад вытоку 49 км рэчышча каналізаваныя, шырыня ракі ў межань 6—8 м. У абалоне мэліярацыйныя каналы^[1].

Экалёгія

2 ліпеня 2009 году ў рацэ, за два кілямэтры ад вёскі Ліскаў Рэчыцкага раёну, выявілі масавы мор рыбы. Прычынай стала наяўнасьць ядахімікатаў, якія патрапілі ў раку з палёў мясцовых сельгаспрадпрыемстваў, на якіх праводзілася хімічная праполка^[2].