Весялоўскі сельсавет

Весяло́ўскі сельсавет — адміністрацыйна-тэрытарыяльная адзінка ў складзе Барысаўскага раёну Менскай вобласьці. Адміністрацыйны цэнтар — вёска Весялова.

Весялоўскі сельсавет
Агульныя зьвесткі
Краіна	Беларусь
Вобласьць	Менская
Раён	Барысаўскі
Статус	сельсавет
Адміністрацыйны цэнтар	Весялова
Дата ўтварэньня	16 студзеня 1969
Насельніцтва	▲1947 чал. (2019)
Мэдыя-зьвесткі
Паштовыя індэксы	222132
Дадатковыя мультымэдыйныя матэрыялы

Гісторыя

16 студзеня 1969 году створаны ў складзе Барысаўскага раёну Менскай вобласьці.

8 лютага 2010 году сельсавету перададзены ўсе сельскія населеныя пункты — Востраў, Вярховіна, Дубовы Лог, Ельніца, Загор’е, Крацэвічы, Мсьценьне, Нежыцы, Рагатка, Хаўхоліца, Яблачына — скасаванага Хаўхоліцкага сельсавету^[1].

Колішнія населеныя пункты

У склад сельсавету таксама ўваходзілі няісныя цяпер населеныя пункты: Забелы, Загазінка, Карнееўка, Карчаватка, Прытыка, Сьценькі Разіна, пасёлак крухмальнага заводу Весялова^[2], вёскі Антосіна, Забор’е, Загасьцінец, Зазімнік, Замчышча, Заніўкі, Зарынец, Зімнік, Ісьцьмужніц, Мурожнае, Стругі, маёнтак Касьцюкі.

Славутасьці

На тэрыторыі сельсавету знаходзіцца Мэмарыяльны комплекс на Брылёўскім поле, які прысьвечан падзеям вайны 1812 году і пераправе Напалеона праз Бярэзіну. Штовосень праводзяцца гістарычныя рэканструкцыі.

У 2000 годзе на тым жа месцы археолягі знайшлі адзін з найбольш адметных манэтна-рэчавых скарбаў эпохі вікінгаў на тэрыторыі Беларусі.

Помнікі

Помнік францускім воінам, якія загінулі на Брылёўскім поле падчас пераправы празь Бярэзіну 14-17 лістапада 1812-га году і магіла невядомага францускага жаўнера (пачатак 2000-х)	Манумэнт у гонар 150-годзьдзя бітвы пры Бярэзіне (1962 год)	Помнік расейскім салдатам, якія загінулі ў вайне 1812-га году. (пач. ХІХ ст.; рэканструкцыя ХХ ст.)