Вужыца

Вужыца (У́жыца) — рака ў Дрысенскім раёне Віцебскай вобласьці Беларусі, правы прыток Дзьвіны. Даўжыня 48 км. Плошча вадазбору 350 км². Выдатак вады ў вусьці каля 2,5 м³/с. Сярэдні нахіл воднай паверхні 0,7 ‰.

Рака

Вужыца
Агульныя зьвесткі
Выток	воз. Цятна
Вусьце	Дзьвіна
Краіны басэйну	Беларусь
Вобласьці	Віцебская вобласьць
Даўжыня	48 км
Сярэднегадавы сьцёк	2,5 м³/с
Плошча басэйну	350 км²
Нахіл воднай паверхні	0,7 ‰

Асноўныя прытокі

• Правыя: ручай Муквяціца
• Левыя: Бярозаўка

Агульныя зьвесткі

Выцякае з возера Цятна за 1,2 км на ўсход ад вёскі Дубровы, вусьце за 1 км на паўднёвы захад ад чыгуначнай станцыі Дрыса. Цячэ ў межах Асьвейскай грады і Полацкай нізіны.

Даліна У-падобная, на асобных дзялянках трапэцападобная, шырынёй 300—500 м. Абалона двухбаковая (шырыня 100—150 м), на асобных дзялянках адсутнічае. Рэчышча зьвілістае, шырыня 3—5 м^[1].