Вумэра (касмадром)

Вумэра(анг. Woomera) — касмадром у Аўстраліі. Геаграфічныя кардынаты — 30.9553° пд. ш. 136.5322° у. д. / -30.9553; 136.5322. Нахіл арбітаў — 82-84˚.

Разьмешчаны ў пустэльнай мясцовасьці ў раёне гораду Вумэра (Паўднёвая Аўстралія). Плошча — 100 000 км². Створаны ў 1946 годзе, як ангельска-аўстралійскі ракетны выпрабавальны цэнтар. У якасьці касмадрому функцыянаваў з 1967 году. Зь яго ў 1971 годзе быў запушчаны першы брытанскі спадарожнік. Трасы былі абсталяваныя вымяральнымі пунктамі, радыёлякацыйнай сыстэмай, аптычным і тэлемэтрычныя абсталяваньнем. У 1976 годзе зачынены як нерэнтабэльны (абсталяваньне закансэрваванае).