Высокае возера (Браслаўскі раён)

Высо́кае — возера ў Браслаўскім раёне Віцебскай вобласьці. Знаходзіцца за 26 км на паўднёвы захад ад Браслава каля вёскі Богіна. Належыць да групы Рычана-Дрысьвяцкіх азёр.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Высокае возера (неадназначнасьць).

Возера Высокае Краіна Беларусь Плошча 1,42 км² Плошча вадазбору 845 км² Максымальная глыбіня 8,9 м Найбольшая даўжыня 3,52 км Найбольшая шырыня 0,6 км Даўжыня берагавой лініі 9,45 км Вышыня над узроўнем мора 127 м[1] Аб’ём вады 5,18 млн м³ Каардынаты 55°26′18″ пн. ш. 26°47′55″ у. д. Высокае на мапе Беларусі ± Высокае Высокае

Возера знаходзіцца ў басэйне ракі Дрысьвяты, якая працякае праз возера. Плошча возера Высокае складае 1,42 км². Найбольшая глыбіня возера — 8,9 м. Даўжыня возера — 3,52 км, найбольшая шырыня — 0,6 км. Даўжыня берагавой лініі — 9,45 км. Аб’ём вады ў возеры складае 5,18 млн м³, плошча вадазбору возера — 845 км².

Схілы катлавіны возера маюць вышыню 9—15 м, разараныя. У ніжняй частцы схілы парослыя хмызьняком. Берагі вадаёма нізкія, вышынёй да 0,1 м, знаходзяцца пад хмызьняком. На ўсходзе берагі зьліваюцца з схіламі.

Дно возера мае складаную будову: упадзічы чаргуюцца зь мелямі. Дно высланае пяском, глеем, глінай.

Возера мае 3 выспы, агульная плошча якіх складае 0,03 км².

Шырыня паласы прыбярэжнай расьліннасьці складае 5—30 м, возера зарастае да глыбіні 3 м.