Вялікае

Вялікае — возера ў Беларусі, у басэйне ракі Бярозаўкі. Знаходзіцца ў Глыбоцкім раёне Віцебскай вобласьці. Плошча паверхні возера 0,89 км². Даўжыня 2,15 км, найбольшая шырыня 0,73 км. Найбольшая глыбіня дасягае 5,7 м, сярэдняя складае 3,4 м. Аб’ём вады 3,04 млн м³. Даўжыня берагавой лініі 5,4 км.

Возера Вялікае лац. Vialikaje Панарама Вялікага Возера Вялікае Краіна Беларусь Плошча 0,89 км² Плошча вадазбору 40,1 км² Максымальная глыбіня 5,7 м Сярэдняя глыбіня 3,4 м Найбольшая даўжыня 2,15 км Найбольшая шырыня 0,73 км Даўжыня берагавой лініі 5,4 км Вышыня над узроўнем мора 153,9 м Аб’ём вады 3,04 млн. м³ Каардынаты 55°09′20″ пн. ш. 27°40′26.50″ у. д. Вялікае на мапе Беларусі Вялікае

Галерэя здымкаў у Вікісховішчы

На паўночна-ўсходнім беразе возера стаіць места Глыбокае

Апісаньне

Катлавіна возера складаецца з двух плёсаў. Схілы катлавіны вышынёй 3—10 мэтраў, усходнія да 16 мэтраў. Берагі нізкія, месцамі забалочаныя. Мелкаводзьдзе пясковае. Астатнюю частку дна высьцілае сапрапэль. У паўночнай частцы возера выспа плошчай каля 0,7 га. Возера значна зарастае.

На паўднёвым захадзе і захадзе ўпадаюць два ручаі і каналізаваная пратока з возера Кагальнага. Сьцёк каналізаванай пратокай у возера Падлазнае^[1].

Флёра і фаўна

У возеры водзяцца акунь, плотка, лешч, шчупак, лінь ды іншыя віды рыбаў^[2].

Галерэя

Гістарычныя здымкі і графіка

• Старыя здымкі і графіка
• 
  Я. Драздовіч, 1925 г.
• 
  1930-я гг.
• 
  12 ліпеня 1941 г.
• 
  1941 г.