Вялікая сынагога (Друя)

Вялі́кая сынаго́га^[a] — помнік архітэктуры XVII стагодзьдзя ў Друі. Знаходзілася ў цэнтры мястэчка. Твор архітэктуры барока.

Помнік сакральнай архітэктуры
Вялікая сынагога
Вялікая сынагога
Краіна	Беларусь
Мястэчка	Друя
Каардынаты	55°47′27.2″ пн. ш. 27°27′48.2″ у. д.
Канфэсія	юдаізм
Архітэктурны стыль	барока
Першае згадваньне	XVII ст.
Дата заснаваньня	XVII стагодзьдзе
Дата скасаваньня	1943—1946
Статус	зьнішчаная
Вялікая сынагога на мапе Беларусі Вялікая сынагога
Вялікая сынагога на Вікісховішчы

Гісторыя

Абмеры сынагогі

Вялікае Княства Літоўскае

Галоўную сынагогу ў Друі збудавалі па зьяўленьні ў месьце габрэяў у другой палове XVІІ ст. калі мясцовыя юдэі атрымалі ад уладальнікаў мястэчку прывілей, які выдаваў дазвол на будаваньне мураванай або драўлянай сынагогі.

Найноўшы час

У Другую сусьветную вайну будынак сынагогі моцна пацярпеў з-за пажару, па вайне яго цалкам зьнішчылі.

Архітэктура

Помнік архітэктуры барока. Гэта быў прастакутны аб’ём з выступаючай прастакутнай апсыдай (Арон ха-кадэш), дзе захоўваліся скруткі Торы, упрыгожаны пілястрамі тасканскага ордэру на кутах і ў міжваконьнях. Тоўстыя сьцены праразаліся высокімі аркавымі і фігурнымі вокнамі, паглыбленымі ў нішах. Завершанасьць будынку надаваў высокі 4-схільны дах. Па чутках, у сынагозе пад бімай знаходзіўся таемны падземны ход, які вёў за раку.

Галерэя

• Гістарычныя здымкі
• 
  паміж 1919-39 г.
• 
  1931 г.
• 
  Я. Булгак, 1939 г.
• 
  Я. Булгак, 1939 г.

Заўвагі

1. таксама Гало́ўная сынагога

Літаратура

• Локотко А. И. Архитектура европейских синагог. — Мн.: Ураджай, 2002. — 156 с. ISBN 985-04-0547-3.

Вонкавыя спасылкі

• Вялікая сынагога ў Друі, Radzima.org