Вярблюдавыя

Вярблю́давыя^[1] (Camelidae) — сямейства клясы сысуноў, уключае 3 сучасныя роды і 7 сучасных відаў. Вярблюдавыя упершыню з’явіліся ў Паўночнай Амэрыцы ў сярэднім эацэне і заставаліся там да міграцыі ў Эўразію ў канцы міяцэну, а ў Паўднёвую Амэрыку дабраліся параўнальна нядаўна, у позьнім пліяцэне^[2][3].

Вярблюдавыя
Вярблюд аднагорбы
Клясыфікацыя
Царства	Жывёлы (Animalia)
Тып	Хордавыя (Chordata)
Падтып	Хрыбетныя (Vertebrata)
Надкляса	Чатырохногія (Tetrapoda)
Кляса	Сысуны (Mammalia)
Падкляса	Зьвяры (Theria)
Інфракляса	Пляцэнтарныя (Placentalia)
Атрад	Парнакапытныя (Artiodactyla)
Сямейства	Вярблюдавыя
Бінамінальная намэнклятура
Camelidae Gray, 1821
Арэал
Вярблюдавыя на Віківідах  Вярблюдавыя ў Вікісховішчы ITIS 624918 ·

Вярблюдавыя ўсе буйныя. Вага паўднёваамэрыканскіх відаў — ад 35 да амаль 100 кг. Вярблюды Старога Сьвету, аднак, значна большыя, яны важаць ад 450 да 650 кг. Форма цела вярблюдавых ад стройнай да каржакаватай, але ўсе яны маюць доўгую грацыёзную шыю; галава маленькая; ногі доўгія і стройныя. Зубная формула для (дарослых) жывёл Старога Сьвету складае 1/3, 1/1, 3/1-2, 3/3 = 32-34; а для вярблюдавых Новага Сьвету — 1/3, 1/1, 2/1, 3/3 = 30. Вярблюдавыя маюць складаны 3-камерны страўнік^[2][3].

Дзікія вярблюдавыя звычайна жывуць групамі. Усе яны траваедныя. Як правіла, яны сустракаюцца ў засушлівых або паўзасушлівых раёнах і валодаюць выдатнай здольнасьцю эканоміць ваду^[2][3].

Сыстэматыка

Вярблюдавыя (Camelidae)

• род вярблюд Camelus
  • від вярблюд двухгорбы (Camelus bactrianus)
  • від вярблюд аднагорбы (Camelus dromedarius)
  • від Camelus ferus
• род ляма (Lama)
  • від ляма свойская (Lama glama)
  • від ляма гуанака (Lama guanicoe)
• род вікуньня (Vicugna)
  • від вікуньня альпака (Vicugna pacos)
  • від вікуньня звычайная (Vicugna vicugna)
• вымерлыя роды: †Alforjas, †Blancocamelus, †Camelops, †Hemiauchenia, †Palaeolama, †Paracamelus, †Pliauchenia, †Procamelus