Вячаслаў Бяскосты

Вячасла́ў Васі́льевіч Бяско́сты — беларускі дыплямат.

Вячаслаў Бяскосты
Амбасадар Беларусі ў Нігерыі
21 лютага 2012 — 26 чэрвеня 2018
Прэзыдэнт	Аляксандар Лукашэнка
Прэм’ер-міністар	Міхаіл Мясьніковіч
Наступнік	Вячаслаў Брыль
Асабістыя зьвесткі
Нарадзіўся	4 жніўня 1975 (49 гадоў) Берасьцейская вобласьць, БССР, СССР
Адукацыя	Гарадзенскі дзяржаўны ўнівэрсытэт імя Янкі Купалы

Жыцьцяпіс

Нарадзіўся ў Берасьцейскай вобласьці. Скончыў факультэт права і эканомікі Гарадзенскага дзяржаўнага ўнівэрсытэту імя Янкі Купалы (1996) па спэцыяльнасьці «міжнародныя эканамічныя стасункі», паглыблены курс па макраэканоміцы і фінансавым аналізе Аб’яднанага Венскага інстытуту (Аўстрыя, 1998).

У 2009 стаў Часовым павераным у справах Беларусі ў Японіі. 21 лютага 2012 г. прызначаны 1-м амбасадарам Беларусі ў Нігерыі^[1], таксама па сумяшчальніцтве ў Гане (з 2013), Габоне, Гамбіі, Камэруне, Кот-д’Івуары (з 2013), Малі, Сэнэгале ды Тога. Займаў гэтыя пасады да 26 чэрвеня 2018 году.

У 2018—2019 — намесьнік начальніка ўправы дзяржаваў СНД Міністэрства замежных справаў Беларусі.

З 12 верасьня 2019 па 2 сьнежня 2024 — Надзвычайны і Паўнамоцны амбасадар Беларусі ў Туркмэністане.