Міхаіл Мясьніковіч

Міхаі́л Уладзі́меравіч Мясьніко́віч (нарадзіўся 6 траўня 1950 году ў вёсцы Новы Сноў у Нясьвіскім раёне, Менскай вобласьці, БССР) — беларускі дзяржаўны дзяяч, сёмы прэм’ер-міністар Рэспублікі Беларусь. Чалец-карэспандэнт Нацыянальнай Акадэміі навук Беларусі (ад 2009 г.), доктар эканамічных навук (1998), прафэсар (2003).

Міхаіл Мясьніковіч лац. Michaił Miaśnikovič
Старшыня Савету Рэспублікі НС РБ
27 сьнежня 2014 — 6 сьнежня 2019
Прэзыдэнт	Аляксандар Лукашэнка
Прэм’ер-міністар	Андрэй Кабякоў
Наступнік	Натальля Качанава
Прэм’ер-міністар Рэспублікі Беларусь
28 сьнежня 2010 — 27 сьнежня 2014
Прэзыдэнт	Аляксандар Лукашэнка
Папярэднік	Сяргей Сідорскі
Наступнік	Андрэй Кабякоў
Прэзыдэнт / Старшыня Прэзыдыюму Нацыянальнай Акадэміі навук Беларусі
19 кастрычніка 2001 — 2010
Прэзыдэнт	Аляксандар Лукашэнка
Прэм’ер-міністар	Уладзімер Ярмошын, Генадзь Навіцкі, Сяргей Сідорскі
Папярэднік	Аляксандар Вайтовіч
Наступнік	Анатоль Русецкі
Кіраўнік Адміністрацыі прэзыдэнта Рэспублікі Беларусь
10 кастрычніка 1995 — 12 верасьня 2001
Прэзыдэнт	Аляксандар Лукашэнка
Папярэднік	Леанід Сініцын
Наступнік	Урал Латыпаў
Асабістыя зьвесткі
Нарадзіўся	6 траўня 1950(1950-05-06)[1] (75 гадоў) Новы Сноў, Сноўскі сельсавет, Нясьвіскі раён, Баранавіцкая вобласьць, БССР, СССР[2]
Партыя	Камуністычная партыя Савецкага Саюзу
Адукацыя	Берасьцейскі інжынэрна-будаўнічы інстытут (1972) Менская вышэйшая партыйная школа (1989)
Узнагароды	Ордэн Айчыны 3 ступені (Беларусь)

Біяграфія

Скончыў Берасьцейскі інжынэрна-будаўнічы інстытут (1972), Менскую ВПШ (1989). Доктар эканамічных навук (1998).

Працаваў інжынэрам тэхаддзелу інстытуту «Менскпраект», водаправоднай станцыі «Дражня» ўправы «Водаканал». З 1974 году — галоўны інжынэр Дырэкцыі будуемых аб’ектаў водазабесьпячэньня, Дырэкцыі па ўзьвядзеньні збудаваньняў воднай гаспадаркі вытворчага аб’яднаньня «Менскводаканал», прадпрыемстваў камунальнага абслугоўваньня Менскага гарвыканкаму.

З 1983 году ў мясцовым кіраваньні. У 1986—1990 гадох быў міністрам жыльлёва-камунальнай гаспадаркі БССР. З 1990 году быў намесьнікам старшыні Савету Міністраў БССР, старшыня Дзяржкамітэту БССР па эканоміцы і плянаваньні. У 1991—1994 — першы намесьнік старшыні Савету міністраў Беларусі. У 1994—1995 гадох — намесьнік Прэм’ер-міністра Рэспублікі Беларусь. На прэзыдэнцкіх выбарах 1994 году узначальваў выбарчы штаб Вячаслава Кебіча^[3].

З 10 кастрычніка 1995 году да 12 верасьня 2001 году быў кіраўніком Адміністрацыі прэзыдэнта Рэспублікі Беларусь^[4][5][6]. З 19 кастрычніка 2001 году кіраўнік Нацыянальнай Акадэміі навук Беларусі: найперш прэзыдэнт, а ад 26 кастрычніка 2004 году — старшыня Прэзыдыюма^[7][8].

З 28 сьнежня 2010 году прэм’ер-міністар Рэспублікі Беларусь. 27 сьнежня 2014 году адпраўлены ў адстаўку разам са шматлікімі іншымі ўраднікамі Беларусі^[9], у той жа дзень прызначаны чальцом Савету Рэспублікі Нацыянальнага сходу Рэспублікі Беларусь^[10].

Аўтар шматлікіх публікацыяў па эканоміцы.

Узнагароды

28 красавіка 2000 году ўзнагароджаны Ганаровай граматай Нацыянальнага сходу Рэспублікі Беларусь^[11].

Асноўныя працы

• Формирование финансово-промышленных групп в переходных экономиках (на примере Республики Беларусь и Российской Федерации). СПб., 1997.
• Республика Беларусь на пути к новой экономике. Мн.: Беларуская навука, 2009.
• Republic of Belarus: Macroeconomics, Innovation, Economic Security. Minsk: Bel.Navuka, 2010.