Віталь Лютыч

Віта́ль Лю́тыч (нарадзіўся 9 траўня 1992 году, Бяроза) — беларускі баскетбаліст сэрбскага клюбу «Златыбар» і нацыянальнай зборнай Беларусі. Найлепшы баскетбаліст Беларусі 2018 году.

Віталь Лютыч
Пазыцыя:	атакавальны абаронца
Рост:	198 см
Вага:	90 кг
Грамадзянства:	Беларусь[1]
Нарадзіўся:	9 траўня 1992(1992-05-09)[1] (33 гады) Бяроза, Берасьцейская вобласьць, Беларусь
Клюбная інфармацыя
Клюб	Златыбар Чаетына[d]
Клюбы
Гады	Клюб
2009—2010	Віталюр-РДВАР
2010—2013	Шаўлі[d]
2013—2016	Цмокі-Менск
2016—2017	Калеў
2017—2018	Енісей Краснаярск
2018—2020	Цмокі-Менск
2020—2021	Самара[d]
2022—2023	Ніжні Ноўгарад
2023—4	Златыбар Чаетына[d]

Кар’ера

Пераможца рэгулярнага сэзону Балтыйскай лігі (2012), паўфіналіст Балтыйскай лігі (2012), паўфіналіст кубку Балтыйскай лігі (2012), паўфіналіст Кубка Летувы (2013). Выступаў за беларускія зборныя ўсіх узростаў (U-16, U-18, U-20). Быў уключаны ў другую сымбалічную зборную чэмпіянату Эўропы ў дывізіёне Б U-20 (2011, 2012) па вэрсіі eurobasket.com. За галоўную зборную Беларусі выступае з 2012 году.

У сэзоне 2009—2010 гуляў за беларускі Віталюр-РДВАР. У сэзоне 2010—2011 за летувіскі АБРО-Унівэрсітэт Шаўлі. З 2010 па 2013 гады таксама граў за «Шаўлі» (Летува)^[2].

У 2013 годзе заключыў кантракт зь беларускім клюбам «Цмокі-Менск». У 2016-м форвард зьмяніў клюбную прапіску і перайшоў у эстонскі «Калеў», дзе стаў адным зь лідэраў каманды. У матчах Адзінай Лігі ВТБ гулец адзначаўся 14,7 пунктамі і 3,8 падборамі ў сярэднім за 26,29 хвіліны на пляцоўцы. Сэзон 2017—2018 гадоў правёў у краснаярскім «Енісеі». У 19 сустрэчах Лігі ВТБ набіраў у сярэднім 9,3 пункту і зьдзяйсьняў 2,5 падбору за 21,4 хвіліны на пляцоўцы.

У 2018 годзе вярнуўся ў «Цмокі-Менск»^[3]. У сэзоне 2020—2021 гадоў выступаў за расейскі клюб «Самара»^[4]. Сэзон 2021—2022 гадоў прапускаў праз траўму. У сэзоне 2022—2023 гадоў абараняў колеры расейскага клюбу «Ніжні Ноўгарад»^[5][6]. У жніўні 2023 году склаў кантракт з сэрбскім клюбам «Златыбар»^[7].