Вітус Бэрынг

Вітус Ёнасэн Бэрынг (па-дацку: Vitus Jonassen Bering‎; таксама Іван Іванавіч Берынгаў; 12 жніўня 1681, Горсэнс, Данія — 19 сьнежня 1741, Востраў Берынга, Расея) — мараплавец, афіцэр расейскага флёту, капітан-камандор. Па паходжаньні датчанін.

У 1725—1730 і 1733—1741 кіраваў Першай і Другой Камчацкай экспэдыцыямі. Прайшоў па пралівах паміж Чукоткай і Аляскай (пасьля Бэрынгаў праліў), дасягнуў Паўночнай Амэрыкі і адкрыў шэраг астравоў Алеўцкай грады.

Імем Бэрынга названы востраў, праліў і мора на поўначы Ціхага акіяна, а таксама Камандорскія астравы. У археалёгіі паўночна-ўсходнюю частку Сыбіры, Чукотку і Аляску (якія, як цяпер лічыцца, злучаліся раней палоскай сушы) часта называюць агульным тэрмінам Берынгія.

Вонкавыя спасылкі

Вітус Бэрынг — сховішча мультымэдыйных матэрыялаў