ГОГ Гудмэ

«ГОГ» (па-дацку: GOG Håndbold‎) — дацкі гандбольны клюб з Гудмэ. Выступае ў Дацкай мужчынскай лізе. Свае хатнія матчы ладзіць на арэне Гудмэ-Галернэ.

ГОГ
Поўная назва	GOG Håndbold
Заснаваны	1973
Арэна	Гудмэ-Галернэ Зьмяшчальнасьць: 2265
Чэмпіянат	Дацкая ліга
2023—2024	3 месца
Форма
Клюбныя колеры
Хатняя Выязная
Спасылкі
Афіцыйная бачына
Галерэя здымкаў у Вікісховішчы

Гісторыя

Клюб быў заснаваны 1 траўня 1973 году ў выніку аб’яднаньня трох мясцовых клюбаў. У 1987 годзе ГОГ упершыню прабіўся ў найвышэйшы дывізіён дацкага першынства, а ўжо ў 1992 годзе каманда сьвяткавала перамогу ў гэтым дывізіёне. У 2005 годзе ГОГ і «Свэнбарг» аб’ядналіся. Клюб яшчэ раз стаў чэмпіёнам Даніі ў сэзоне 2006—2007 гадоў. У 2009 годзе жаночая каманда была аддзеленая ад клюбу і ўтварыла ўласны клюб «Одэнсэ». 26 студзеня 2010 году ГОГ быў абвешчаны банкрутам і паніжаны да другога дывізіёну^[1]. У сакавіку 2010 году клюб быў адноўлены. Новым генэральным дырэктарам стаў Каспэр Ёргенсэн, а старшынём каманды быў прызначаны Гэмінг Ван. Клюб даволі хутка вярнуўся ў найвышэйшы дывізіён, пачаўшы спаборнічаць на найвышэйшым узроўні ў 2013 годзе. У 2022 годзе клюб стаў чэмпіёнам Даніі, пры гэтым каманда ня толькі стала найлепшай у рэгулярных сэзоне, але і перамагла ў плэй-оф, толькі на адзіны гол апярэдзіўшы «Ольбарг».

Дасягненьні

Нацыянальныя

• Дацкая ліга:
  • : 1992, 1995, 1996, 1998, 2000, 2004, 2007, 2022, 2023
• Кубак Даніі:
  • : 1990, 1991, 1992, 1995, 1996, 1997, 2002, 2003, 2005, 2019, 2022, 2023
• Супэркубак Даніі:
  • : 2023