Галіна Булыка

Галіна Булыка (нар. 6 сьнежня 1960, в. Асава Воранаўскі раён) — беларуская пісьменьніца.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Булыка.

Галіна Булыка
Асабістыя зьвесткі
Нарадзілася	6 сьнежня 1960(1960-12-06) (64 гады) Асава, Пагародзенскі сельсавет, Воранаўскі раён, Гарадзенская вобласьць, БССР, СССР
Бацькі	Аляксандар Булыка
Літаратурная дзейнасьць
Род дзейнасьці	пісьменьніца, журналістка, паэтка
Гады творчасьці	1975 — цяпер
Жанр	лірыка
Мова	беларуская мова

Жыцьцяпіс

Нарадзілася ў сям’і настаўнікаў. У 1966 годзе сям’я пераехала ў Менск. Скончыла хімічны факультэт Беларускага дзяржаўнага ўнівэрсытэту (1983). Працавала стажорам-дасьледчыкам у Інстытуце фізыка-арганічнай хіміі АН БССР, выхавацелем у рабочым інтэрнаце Менскага матацыклетнага і вэлясыпэднага заводу, інжынэрам-наладчыкам Упраўленьня пусканаладачных работ трэста «Аўтарэмбудмантаж» Мінаўтапрому СССР. У 1989 годзе скончыла Вышэйшыя літаратурныя курсы ў Маскве. Сябра СП СССР з 1987 году.

Творчасьць

Зь вершамі ўпершыню выступіла ў друку ў 1975 годзе ў часопісе «Бярозка». Аўтар падборкі вершаў «Дзень нараджэньня сьнежня» ў калектыўным зборніку «Сьцяжына» (1983), зборніку паэзіі «Сінтэз» (1986).

Кнігі

• 1986 — "Сынтэз"
• 1994 — "Турмалін"

Літаратура

• Галіна Булыка, Беларускія пісьменьнікі: 1917-1990. Менск: Мастацкая літаратура, 1994. ISBN 5-340-00709-X

Вонкавыя спасылкі

• Творы Галіны Булыка на Беларускай Палічцы