Ганна Барысевіч

Га́нна Ада́маўна Барысе́віч (18 траўня [ст. ст. 5 траўня] 1888, Ігумен — 23 лютага 2007, Менск) — адна з сусьветных векавітак, якая пражыла 118 гадоў і 281 дзень.

Ганна Адамаўна Барысевіч
Род дзейнасьці	доўгажыхарка
Дата нараджэньня	6 (18) траўня 1888
Месца нараджэньня	Буда[d], Ігуменскі павет, Менская губэрня, Расейская імпэрыя
Дата сьмерці	23 лютага 2007(2007-02-23)[1] (118 гадоў)
Месца сьмерці	Менск, Беларусь
Занятак	калгасьніца

Вікіпэдыя мае артыкулы пра іншых асобаў з прозьвішчам Барысевіч.

Жыцьцяпіс

У 1917 годзе выйшла замуж. У 1937 годзе ейны муж як «вораг народу» быў рэпрасаваны савецкімі ўладамі. Больш замуж не выходзіла. Нягледзячы на доўгі век, захавала памяркоўны характар, ніколі не паліла й не ўжывала празьмерна алькаголю. У веку 95 гадоў пераехала да дачкі пэнсіянэркі ў Менск. Напрыканцы жыцьця мела праблемы са зрокам, у 2005 пасьля 4 гадоў сьлепаты перанесла апэрацыю па выдаленьні катаракты. Была, верагодна, найстарэйшым апэраваным чалавекам у сьвеце. Праз спазьненьне не была занесеная ў Кнігу рэкордаў Гінэса як найстарэйшы чалавек у сьвеце.