Герб Бярозы

Герб гораду Бярозы ў цяперашняй вэрсіі быў афіцыйна зацьверджаны 2 сьнежня 2008 году. На ім на сінім фоне зьмяшчаецца срэбная брама над хвалістай белай і сіняй лініямі, пад якімі срэбны канец тарка.^[1]

Герб Бярозы

Бяроза не атрымлівала Магдэбурскага права і таму ня мела ўласнага гербу ані ў часы Расейскае імпэрыі, ані ў часы Рэчы Паспалітай ці Вялікага Княства Літоўскага.

Сымболіка

Брама сымбалізуе Бярозаўскі кляштар картузаў як найбольш знакаміты архітэктурны помнік Бярозы.

Хвалістая лінія сымбалізуе раку Ясельду, на якой стаіць горад Бяроза.

Першая вэрсія гербу

Першапачатковая вэрсія гербу была распрацаваная ў дзевяностыя немцам Рольфам Гратрыянам, уладальнікам дызайнэрскага бюро, які ў дзевяностыя гады XX стагодзьдзя займаўся ў Бярозе будаўніцтвам жытла для вайскоўцаў. Апісаньне першае вэрсіі гербу: срэбны тарк, падзелены ў прапорцыі 2:1 гарызантальнай хвалістай лініяй блакітнага колеру. У верхняй частцы разьмешчаная чырвоная брама, у ніжняй — зялёны бярозавы ліст.^[2]