Герб Вялейкі

Герб Вялейкі — геральдычны сымбаль Вялейкі, дараваны месту 22 студзеня 1796: «у чырвоным полі срэбная рака, па ёй плыве судна зь цюком тавараў і залатым коласам пасярэдзіне»^[1].

Герб Вялейкі

У сучаснай Беларусі афіцыйны статус атрымаў 10 красавіка 2001^[2]. У гербавым матрыкуле краіны значыцца пад №57.

Афіцыйнае апісаньне:

У чырвоным полі францускай тарчы срэбная рака, па якой плыве судна зь цюком тавараў і залатым жытнім коласам пасярэдзіне. Арыгінальны тэкст  (рас.) В красном поле французского щита серебряная река, по которой плывет судно с тюком товаров и золотым ржаным колосом посередине.