Герб Нясьвіжу

Герб Нясьвіжу — геральдычны сымбаль Нясьвіжу, нададзены месту вялікім князем літоўскім Стэфанам Баторыем 23 красавіка^[1] 1586: «поле тарчы расьсякаецца на дзьве часткі; у правай, залатога колеру, палова чорнага арла, а ў левай дзесяць касых вырубаў — залатога, блакітнага і чырвонага колераў»^[2].

Герб Нясьвіжу

У сучаснай Беларусі афіцыйны статус атрымаў 23 сьнежня 1999^[3]. У гербвым матрыкуле краіны значыцца пад №51.

Афіцыйнае апісаньне:

У правым залатым полі барокавай тарчы выходзіць чорны радзівілаўскі арол, у левым — дзесяць касых вырубаў, залатых, сініх і чырвоных. Арыгінальны тэкст  (рас.) В правом золотом поле барочного щита выходит чёрный радзивилловский орёл, в левом — десять косых перевязей, золотых, синих и красных.